മദ്യനയത്തിൽ യെച്ചൂരി നിലപാട് മാറ്റി: സുധീരൻ

കൊച്ചി: മദ്യനയത്തിൽ സി.പി.എം ജനറൽ സെക്രട്ടറി സീതാറാം യെച്ചൂരി നിലപാട് മാറ്റിയെന്ന് കെ.പി.സി.സി പ്രസിഡൻറ് വി.എം സുധീരൻ. സംസ്ഥാനത്തെ സി.പി.എം നേതാക്കളുടെ സമ്മർദ്ദത്തിന് വഴങ്ങിയാണ് നിലപാട് മാറ്റം. മദ്യലോബിയെ സഹായിക്കുകയെന്നതാണ് സി.പി.എമ്മിൻെറ ലക്ഷ്യമെന്നും സുധീരൻ ആരോപിച്ചു.

എൽ.ഡി.എഫ് അധികാരത്തിലെത്തിയാൽ പൂട്ടിയ ബാറുകളൊന്നും തന്നെ തുറക്കില്ല എന്നാണ് നേരത്തെ യെച്ചൂരി പറഞ്ഞിരുന്നത്. എന്നാൽ ഇപ്പോൾ പറയുന്നത് മദ്യനിരോധനം തങ്ങളുടെ നയമല്ലെന്നും, മദ്യലഭ്യത പൂർണമായും ഇല്ലാതാക്കുന്നതിനോട് യോജിപ്പില്ലെന്നുമാണ്. കേരളത്തിലെ സി.പി.എം നേതാക്കൾ മദ്യലോബിയുടെ പിണിയാളുകളായി മാറിയെന്നും സുധീരൻ കൂട്ടിച്ചേർത്തു.