പത്ത് രൂപയ്ക്ക് ഊണ് കിട്ടുന്ന ഒരു ഹോട്ടൽ

എവിടെയെങ്കിലും ഇക്കാലത്ത് 10 രൂപയ്ക്ക് ഊണ് കിട്ടുമോ? ഇല്ലെന്ന് പറയാൻ വരട്ടെ! കർണാടകയിൽ അങ്ങനെ ഒരിടമുണ്ടെന്നാണ് റിപ്പോർട്ട്. മംഗലാപുരത്തെ സുള്ളിയയിലെ ഹോട്ടല്‍ രാമപ്രസാദിലാണ് 10 രൂപയ്ക്ക് ഊണ് ലഭിക്കുക.

കാസര്‍കോട്ടുകാരനായ സുന്ദര സരലയ എന്ന മലയാളിയാണ് ഈ ഹോട്ടൽ നടത്തുന്നത്. 1938ലാണ് സുന്ദര സ്വരലയയുടെ അച്ഛന്‍ വെങ്കട രമണ കര്‍ണ്ണാടകയിലേയ്ക്ക് ചേക്കേറി ഹോട്ടൽ തുടങ്ങിയത്.

അച്ഛനു ശേഷം 46 വര്‍ഷമായി സുന്ദരമാണ് കട നടത്തുന്നത്. പണ്ട് 25 പൈസയ്ക്ക് കൊടുത്തിരുന്ന ഊണ് 2014 ൽ അഞ്ചു രൂപയാക്കി. ഇപ്പോള്‍ രാമപ്രസാദില്‍ ഒരു ഊണിന് 10 രൂപയാണ്. 200ഓളം ജീവനക്കാര്‍ ഇപ്പോള്‍ രാമപ്രസാദിലുണ്ട്. വന്‍ തിരക്കാണ് ഊണിന്റെ സമയത്ത് ഹോട്ടലില്‍ അനുഭവപ്പെടുന്നത്. ചിലപ്പോഴൊക്കെ ഉപഭോക്താക്കളെ ക്യൂ നിര്‍ത്തേണ്ടിവരുന്നുവെന്ന് ഉടമ സുന്ദര സ്വരലയ പറയുന്നു.