സ്കൂട്ടര്‍ മറിഞ്ഞ് ബസിനടിയിലേക്ക് വീണ് വിദ്യാർഥിനി മരിച്ചു

കൊച്ചി: എറണാകുളം കലൂരിൽ ജഡ്ജസ് അവന്യൂവിൽ സ്കൂട്ടര്‍ ബസിനടിയിലേക്ക് മറിഞ്ഞ് വീണ് വിദ്യാര്‍ഥിനി മരിച്ചു. വൈപ്പിൻ എളങ്കുന്നപ്പുഴയിൽ ഓളിപറമ്പിൽ പരേതനായ ജോസിയുടെ മകള്‍ ഒ.ജെ സാനിയ(19) ആണ് മരിച്ചത്. കലൂര്‍ റോയൽ എജ്യുക്കേഷൽ ചാരിറ്റബിള്‍ ട്രസ്റ്റിലെ ലാബ് ടെക്നീഷ്യൻ വിദ്യാഥിയായിരുന്നു.

വെള്ളിയാഴ്ചയാണ് സംഭവം നടന്നത്. കോളേജിലേക്ക് വരുന്നതിനിടെയാണ് സംഭവമുണ്ടായത്. ജഡ്ജസ് അവന്യൂ ജംഗ്ഷനിലെ സിഗ്നനൽ ലൈറ്റ് തെളിഞ്ഞപ്പോള്‍ മുന്നോട്ടുനീങ്ങിയ സാനിയയുടെ സ്കൂള്‍ മറ്റൊരു ബൈക്കിന്‍റെ ഹാൻഡിലിൽ തട്ടി. ഇതോടെ സാനിയ അരികിലൂടെ പോയിരുന്ന ബസിനടിയേലേക്ക് മറിഞ്ഞുവീഴുകയയായിരുന്നു.

ഹെൽമറ്റ് ധരിച്ചിരുന്നെങ്കിലും ബസിന്‍റെ പിൻചക്രം സാനിയയുടെ തലയിലൂടെ കയറിയിറങ്ങിയതാണ് മരണകാരണമായത്. നാട്ടുകാര്‍ ചേര്‍ന്ന് ഉടൻ ലിസി ആശുപത്രിയിലെത്തിച്ചെങ്കിലും മരണം സംഭവിച്ചു. അമ്മ :ഗ്രേസി, സഹോദരി: ടാനിയ. ശവസംസാകരം പെരുമാള്‍പ്പെടി സെന്‍റ്.സെബാസ്റ്റ്യൻസ് പള്ളി സെമിത്തേരിയിൽ നടന്നു.