ഡോക്ടറുടെ വീട്ടില്‍ കയറി കിടപ്പറ ദൃശ്യങ്ങള്‍ പകര്‍ത്തി; കോട്ടയത്ത് യുവാവ് അറസ്റ്റില്‍, ഫോണില്‍ നിന്ന് കണ്ടെത്തിയത് നിരവധി ദൃശ്യങ്ങള്‍

കോട്ടയം: കോട്ടയം മെഡിക്കല്‍ കോളേജിലെ ഡോക്ടറുടെ കിടപ്പറ രംഗങ്ങള്‍ പകര്‍ത്തിയ കേസില്‍ പ്രതി അറസ്റ്റില്‍. ആര്‍പ്പൂക്കര മുതിരക്കാലയില്‍ എംആര്‍ രോഹിത്തി(23)നെയാണ് ഗാന്ധിനഗര്‍ പോലീസ് അറസ്റ്റ് ചെയ്തത്. രോഹിതാണ് കേസിലെ പ്രധാന പ്രതി. ഈ കേസിലെ മറ്റൊരു പ്രതി അര്‍പ്പൂക്കര സ്വദേശി അന്‍സില്‍ റിമാന്‍ഡിലാണ്.

Also Read: മുതലമടയിൽ ലൈസൻസില്ലാതെ സാനിറ്റൈസർ നിർമ്മാണം; കൈയോടെ പിടികൂടി ഡ്രഗ്സ് കൺട്രോൾ വിഭാഗം

സിഐ ക്ലീറ്റസ് കെ.ജോസഫിന്റെ നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്തത്. ഫെബ്രുവരിയിലായിരുന്നു കേസിനാസ്പദമായ സംഭവം നടന്നത്. രാത്രി ഡോക്ടറുടെ വീട്ടില്‍ കയറി രഹസ്യമായി ഫോണില്‍ കിടപ്പറ രംഗങ്ങള്‍ ചിത്രീകരിക്കുകയായിരുന്നു.

Also Read: കൊവിഡ് ബാധിച്ച കാസര്‍കോട് സ്വദേശിയുടെ റൂട്ട്മാപ്പ് പ്രസിദ്ധീകരിച്ചു; ആരോഗ്യ വകുപ്പിന്‍റെ മാര്‍ഗ നിര്‍ദേശങ്ങള്‍ ലംഘിച്ചിരുന്നെന്ന് റിപ്പോര്‍ട്ട്

ഫോണില്‍ ചിത്രീകരിച്ച കിടപ്പറ ദൃശ്യങ്ങള്‍ പ്രതികള്‍ മറ്റുള്ളവര്‍ക്ക് അയച്ചുകൊടുക്കുകയും ചെയ്തു. എസ്‌ഐ കെ.ദീപക്,പ്രൊബേഷന്‍ എസ്‌ഐ പ്രദീപ് എന്നിവരടങ്ങിയ അന്വേഷണ സംഘമാണ് പ്രതിയെ പിടികൂടിയത്. ഇത്തരത്തില്‍ നിരവധി ദൃശ്യങ്ങളാണ് പ്രതിയുടെ ഫോണില്‍ നിന്ന് പോലീസ് കണ്ടെടുത്തത്.