മന്ത്രി കെകെ ശൈലജയുടെ പേരില്‍ ജോലി വാഗ്ദാനം... പണം തട്ടി, കണ്ണൂരില്‍ യുവാവ് കുടുങ്ങി

കണ്ണൂർ: ആരോഗ്യ മന്ത്രി കെകെ ശൈലജയുടെ ഉറ്റബന്ധുവാണെന്ന് വിശ്വസിപ്പിച്ച് കണ്ണൂർ വിമാനതാവളത്തിൽ ജോലി വാഗ്ദ്ധാനം ചെയ്തു പണം തട്ടിയ യുവാവിനെതിരെ പോലിസ് കേസെടുത്തു. പേരാവൂരിലെ അജിത്ത് കുമാറിനെതിരെ (40) നെതിരെയാണ് കണ്ണൂർ ടൗൺ പോലിസ് കേസെടുത്തത്.

Also Read: ബിജെപിയുടെ പ്രത്യേകതകൾ എന്ത്? സിബിഎസ്ഇയുടെ വിവാദ ചോദ്യത്തിന് ഉത്തരമെഴുതി വി ടി ബൽറാം

കഴിഞ്ഞ ഡിസംബറിലാണ് മന്ത്രിയുടെ പേര് പറഞ്ഞ് വിമാനത്താവളത്തിൽ ജോലി വാഗ്ദ്ധാനം ചെയ്തു കൊല്ലം പുനലൂർ സ്വദേശി വിഷ്ണുവിൽ നിന്നും ഇയാൾ അരലക്ഷം രൂപ തട്ടിയത് ' എന്നാൽ മാസങ്ങൾ കഴിഞ്ഞിട്ടും വാഗ്ദ്ധാനം ചെയ്ത ജോലിയോ കൊടുത്ത പണമോ ലഭിക്കാത്തതിനെ തുടർന്നാണ് വിഷ്ണു പോലിസിനെ സമീപിച്ചത്. അജിത്ത് കുമാറിനായി അന്വേഷണം ആരംഭിച്ചട്ടുണ്ട്. ഇയാളെ ഉടൻ അറസ്റ്റു ചെയ്യുമെന്ന് പോലിസ് അറിയിച്ചു.

Also Read: കൊവിഡിന് കുപ്പിവെള്ളം മന്ത്രിച്ച് വ്യാജചികിത്സ; കൊച്ചിയിൽ സ്ത്രീ അറസ്റ്റിൽ

മന്ത്രി ഇപി ജയരാജന്റെ പേഴ്‌സണല്‍ സ്റ്റാഫിലെ അംഗമാണെന്ന് പറഞ്ഞ് ഇതിന് മുമ്പും ജോലി വാഗ്ദാനം ചെയ്ത് തട്ടിപ്പ് നടത്തിയെന്ന് വാര്‍ത്ത കഴിഞ്ഞ മാസം പുറത്ത് വന്നിരുന്നു. കണ്ണൂര്‍ വിമാനത്താഴളത്തില്‍ ജോലി വാഗ്ദാനം ചെയ്തായിരുന്നു തട്ടിപ്പ്. ഈ കേസില്‍ മൂന്ന് പേരെ പോലീസ് പിടികൂടിയിരുന്നു. പയ്യന്നൂര്‍ സ്വദേശിയില്‍ നിന്ന് അര ലക്ഷം രൂപ വാങ്ങിയതായും പോലീസ് കണ്ടെത്തിയിരുന്നു. ഇതിന് പിന്നാലെയാണ് ആരോഗ്യ മന്ത്രി കെകെ ശൈലജയുടെ പേരിലും തട്ടിപ്പ് നടന്നിരിക്കുന്നത്.