തൊണ്ണൂറുകാരിയെ പീഡിപ്പിച്ച കേസിലെ പ്രതി പിടിയിൽ

മാവേലിക്കര: മാവേലിക്കരയില്‍ തൊണ്ണൂറുകാരിയെ പീഡിപ്പിച്ച സംഭവത്തിൽ പ്രതി അറസ്റ്റിൽ. കണ്ടിയൂർ കുരുവിക്കാട് സ്വദേശി ഗിരീഷാണ് (23) അറസ്റ്റിലായത്. മാവേലിക്കര സിഐ പി.ശ്രീകുമാറിന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്. സുഹൃത്തിനെ പ്രസ്തുത കേസില്‍ കുടുക്കി രക്ഷപ്പെടാനായിരുന്നു പ്രതിയുടെ ശ്രമം.

വ്യാഴാഴ്ച പുലർച്ചെയാണ് കേസിന് ആസ്പദമായ സംഭവം. വീട്ടിൽ ഒറ്റയ്ക്കായിരുന്ന വൃദ്ധയെ ഗിരീഷ് ഓടു പൊളിച്ച് അകത്തു കടന്നാണ് പീഡിപ്പിച്ചത് .തൊട്ടടുത്ത ക്ഷേത്രത്തില്‍ ഉത്സവം കാണാന്‍ പോയിരുന്ന മകള്‍ പിറ്റേന്നു രാവിലെ തിരിച്ചെത്തിയപ്പോഴാണ് പീഡന വിവരമറിയുന്നത്. തുടര്‍ന്ന് ഇവരെ ആശുപത്രിയില്‍ പ്രവേശിപ്പിച്ചിരിക്കുകയായിരുന്നു.

സംഭവ സ്ഥലത്തു നിന്നും ലഭിച്ച മൊബൈല്‍ ഫോണാണ് അന്വേഷണത്തിലേക്കു വഴി തുറന്നത്. തന്‍റെ സുഹൃത്തിന്‍റെ ഫോണാണെന്നായിരുന്നു ഇയാള്‍ ആദ്യം പോലീസിനോടു പറഞ്ഞത്. എന്നാല്‍ സുഹൃത്തിന്‍റെ നിരപരാധിത്വം തെളിഞ്ഞതോടെ പ്രതിയെ വിശദമായി ചോദ്യം ചെയ്തപ്പോഴാണ് ഇയാള്‍ കുറ്റം സമ്മതിച്ചത്.

youth arrested for raping 90-year-old woman in Mavelikkara

The Kerala police have arrested a 23-year-old youth for allegedly raping a 90-year-old woman at her house in Kandiyoor.