കൊട്ടാരക്കരയില്‍ റെയില്‍വേ ട്രാക്കില്‍ യുവാവിന്‍റെ മൃതദേഹം

കൊട്ടാരക്കര: കൊട്ടാരക്കരയില്‍ യുവാവിന്‍റെ മൃതദേഹം റെയില്‍വേ ട്രാക്കില്‍ കണ്ടെത്തി. ദിവസങ്ങള്‍ക്ക് മുന്‍പ് ഇയാള്‍ സദാചാര ഗുണ്ടായിസത്തിന് ഇരയായിരുന്നതായി മാധ്യമങ്ങള്‍ റിപ്പോര്‍ട്ട് ചെയ്‍തു. കൊട്ടാരക്കര സ്വദേശി ശ്രീജിത്തിന്‍റെ മൃതദേഹമാണ് ട്രെയിന്‍ തട്ടിയ നിലയില്‍ കണ്ടെത്തിയത്.

'കഴിഞ്ഞ ഞായറാഴ്‍ച്ച ശ്രീജിത്തിനെ ഒരു യുവതിക്കൊപ്പം നാട്ടുകാര്‍ വീട്ടില്‍ നിന്നും പിടികൂടിയിരുന്നു.' മാതൃഭൂമി റിപ്പോര്‍ട്ട് ചെയ്‍തു.

സദാചാര ഗുണ്ടായിസത്തിന് ശേഷം ശ്രീജിത്തിനോട് സ്റ്റേഷനില്‍ ഹാജരാകണമെന്ന് പുത്തൂര്‍ പോലീസ് നിര്‍ദേശിച്ചിരുന്നു. ഇതനുസരിച്ച് ഇയാള്‍ സ്റ്റേഷനില്‍ ചെന്നതായിരുന്നു. സ്റ്റേഷനില്‍ നിന്ന് മടങ്ങിയെത്തിയ ശേഷം ഇയാളെ കാണാതാകുകയായിരുന്നു.