ജലീലിന് കുരുക്ക് മുറുകുന്നു; കൂടുതല്‍ തെളിവുകളുമായി യൂത്ത് ലീഗ്

കോഴിക്കോട്: ബന്ധു നിയമനവുമായി ബന്ധപ്പെട്ട് മന്ത്രി കെ ടി ജെലീലിന് കുരുക്ക് മുറുകുന്നു. ജലീലിനെതിരെ കൂടുതല്‍ ആരോപണങ്ങളുമായി യൂത്ത് ലീഗ് സംസ്ഥാന ജനറല്‍ സെക്രട്ടറി പി കെ ഫിറോസ് രംഗത്തെത്തിയിരിക്കുകയാണ്. ജലീലിന്‍റെ ബന്ധുവായ അദീപിനെ നിയമിക്കുന്നതില്‍ നേരിട്ട് ഇടപെട്ടു എന്ന ആരോപണമാണ് യൂത്ത് ലീഗ് ഉന്നയിച്ചിരിക്കുന്നത്.

അദീപിന്‍റെ യോഗ്യത തസ്തികയുടെ യോഗ്യതയായി കൂട്ടിച്ചേര്‍ക്കാന്‍ ആവശ്യപ്പെട്ടുള്ള കത്ത് ജെലീല്‍ സെക്ഷനിലേക്ക് നല്‍കുകയായിരുന്നു. എന്നാല്‍ ഇത് സെക്ഷനില്‍ എത്തിയപ്പോള്‍ മന്ത്രിസഭയുടെ മുന്നില്‍ സമര്‍പ്പിക്കേണ്ട ആവശ്യം ഉണ്ടേയെന്ന സംശയം പ്രകടിപ്പിച്ച് വകുപ്പ് മേധാവി വിയോജന കത്ത് എഴുതിയിരുന്നു. കൂട്ടിച്ചേര്‍ക്കുന്നത് അധിക യോഗ്യതയായതിനാല്‍ മന്ത്രിസഭയുടെ ആവശ്യമില്ലെന്നു വ്യക്തമാക്കി ജെലീല്‍ മുഖ്യമന്ത്രിക്കു സമര്‍പ്പിക്കുകയായിരുന്നു.

ഇതിനെതിരെ തെളിവുമായാണ് യൂത്ത് ലീഗ് എത്തിയിരിക്കുന്നത്. കൂട്ടിച്ചേര്‍ത്തത് അധിക യോഗ്യതയല്ലെന്നും അടിസ്ഥാനയോഗ്യതയാണെന്നും പി കെ ഫിറോസ് വ്യക്തമാക്കി.