KSRTC ബസിനടിയിൽ ബൈക്ക് കുടുങ്ങി; യുവാവ് രക്ഷപെട്ടത് തലനാരിഴയ്ക്ക്
വൈകിട്ട് അഞ്ചരയോടെ കെഎസ്ആര്‍ടിസി സ്റ്റാൻഡിലേയ്ക്കുള്ള വളവ് തിരിഞ്ഞ ബസ് ആഷികിന്‍റെ ബൈക്കിൽ തട്ടുകയായിരുന്നുവെന്നാണ് ദൃക്സാക്ഷികള്‍ പറയുന്നത്. ബസിനടയിൽ ബൈക്ക് കുടുങ്ങിപ്പോയെങ്കിലും ആഷിക് റോഡിലേയ്ക്ക് തെറിച്ചു വീഴുകയായിരുന്നു.
Samayam Malayalam 13 May 2019, 2:00 pm
ഹൈലൈറ്റ്:
- അപകടം കോട്ടയം ടൗണിൽ
- അടിയിൽ കുടുങ്ങിയ ബൈക്കുമായി ബസ് മീറ്ററുകളോളം മുന്നോട്ടുനീങ്ങി
- ബസ് അമിതവേഗതയിലായിരുന്നെന്ന് നാട്ടുകാ‍ര്‍
കോട്ടയം: ഓടുന്ന കെഎസ്ആര്‍ടിസി ബസിനടിയിൽ കുടുങ്ങിപ്പോയ ബൈക്ക് യാത്രക്കാരൻ അത്ഭുതകരമായി രക്ഷപെട്ടു. പാലാ കൂടല്ലൂര്‍ സ്വദേശിയായ ആഷിക് അലക്സാണ് (21) അപകടത്തിൽ നിന്ന് തലനാരിഴയ്ക്ക് രക്ഷപട്ടത്. കോട്ടയം പുളിമൂട് ജംഗ്ഷനിലായിരുന്നു സംഭവം.
ബസിനടിയിൽ കുടുങ്ങിയ ബൈക്കുമായി ബസ് കുറച്ചു ദൂരം മുന്നോട്ടു പോയി. എന്നാൽ തെറിച്ചു വീണ യുവാവ് ഹെൽമറ്റ് ധരിച്ചിരുന്നതിനാൽ സാരമായി പരിക്കേൽക്കാതെ രക്ഷപെടുകയായിരുന്നു.
കോളേജിൽ നിന്ന് വീട്ടിലേയ്ക്കുള്ള യാത്രയ്ക്കിടയിലായിരുന്നു ആഷിക്ക് അപകടത്തിൽപ്പെട്ടത്. പിറവം ഡിപ്പോയുടെ തിരുവനന്തപുരം ബസാണ് അപകടമുണ്ടാക്കിയത്. കെഎസ്ആര്‍ടിസി ബസ് അമിത വേഗത്തിലായിരുന്നുവെന്ന് കണ്ടു നിന്നവര്‍ പറഞ്ഞു. ബസ് ഡ്രൈവര്‍ അലക്ഷ്യമായി വാഹനമോടിക്കുന്നത് കണ്ടക്ടറുടെ ശ്രദ്ധയിൽപ്പെടുത്തിയിരുന്നതായി യാത്രക്കാരും പറഞ്ഞു.
ബസിനടിയിൽ കുടുങ്ങിയ ബൈക്കുമായി ബസ് കുറച്ചു ദൂരം മുന്നോട്ടു പോയി. എന്നാൽ തെറിച്ചു വീണ യുവാവ് ഹെൽമറ്റ് ധരിച്ചിരുന്നതിനാൽ സാരമായി പരിക്കേൽക്കാതെ രക്ഷപെടുകയായിരുന്നു.
കോളേജിൽ നിന്ന് വീട്ടിലേയ്ക്കുള്ള യാത്രയ്ക്കിടയിലായിരുന്നു ആഷിക്ക് അപകടത്തിൽപ്പെട്ടത്. പിറവം ഡിപ്പോയുടെ തിരുവനന്തപുരം ബസാണ് അപകടമുണ്ടാക്കിയത്. കെഎസ്ആര്‍ടിസി ബസ് അമിത വേഗത്തിലായിരുന്നുവെന്ന് കണ്ടു നിന്നവര്‍ പറഞ്ഞു. ബസ് ഡ്രൈവര്‍ അലക്ഷ്യമായി വാഹനമോടിക്കുന്നത് കണ്ടക്ടറുടെ ശ്രദ്ധയിൽപ്പെടുത്തിയിരുന്നതായി യാത്രക്കാരും പറഞ്ഞു.