കോഴിക്കോട്ടെ സ്കൂള്‍ അവധി; പ്രതിഷേധവുമായി യുവമോര്‍ച്ച

കോഴിക്കോട്ട്: വനിതാ മതിലിന്‍റെ ഭാഗമായി കോഴിക്കോട്ടെ സ്കൂളുകൾക്ക് ചൊവ്വാഴ്ച ഉച്ചകഴിഞ്ഞ് അവധി നൽകിയതിനെതിരെ യുവമോർച്ചയുടെ പ്രതിഷേധം. കോഴിക്കോട് ഡിഡിഇ ഓഫീസിലേക്ക് യുവമോര്‍ച്ച പ്രർത്തകർ മാർച്ച് നടത്തി. ഡിഡിഇ ഓഫീസിന് സമീപം മാർച്ച് പോലീസ് തടഞ്ഞു.വനിതാമതിൽ കാരണം നഗരത്തിലുണ്ടാകുന്ന തിരക്ക് പരിഗണിച്ചാണ് അവധി പ്രഖ്യാപിച്ചതെന്നായിരുന്നു ഡിഡിഇ ഓഫീസ് അറിയിച്ചത്. സ്കൂളുകൾക്ക് മുഴുവൻ ദിന അവധിയെന്നായിരുന്നു ആദ്യ അറിയിച്ചത്. എന്നാൽ ഇതിനെതിരെ പ്രതിഷേധം ഉയർന്നതോടെ അത് അരദിവസമാക്കി വെട്ടിച്ചുരുക്കുകയായിരുന്നു.

അതേസമയം ജില്ലയില്‍ നടത്താന്‍ നിശ്ചയിച്ച എല്ലാ പരീക്ഷകളും കാലിക്കറ്റ് സര്‍വ്വകലാശാല മാറ്റിവെച്ചു. പുതിയ തീയതി പീന്നീട് അറിയിക്കുമെന്ന് സര്‍വ്വകലാശാല അധികൃതര്‍ അറിയിച്ചു.