നിലയ്ക്കലില്‍ നിരോധനാജ്ഞ ലംഘിച്ച് യുവമോര്‍ച്ച

നിലയ്ക്കല്‍: വ്യാപക അക്രമങ്ങളെ തുടര്‍ന്ന് നിലയ്ക്കലില്‍ പ്രഖ്യാപിച്ച നിരോധനാജ്ഞ ലംഘിച്ച് യുവമോര്‍ച്ച. യുവമോര്‍ച്ച സംസ്ഥാന പ്രസിഡണ്ട് പ്രകാശ് ബാബുവിന്‍റെ നേതൃത്വത്തില്‍ ആറോളം പ്രവര്‍ത്തകരാണ് നിലയ്ക്കലില്‍ സംഘടിച്ചെത്തി മുദ്രാവാക്യം മുഴക്കിയത്. ഇവരെ പൊലീസ് അറസ്റ്റ് ചെയ്ത് നീക്കി.

ശബരിമലയിലെ ആചാരാനുഷ്ഠാനങ്ങളെ വെല്ലുവിളിക്കാന്‍ ഒരു ഗവണ്‍മെന്‍റിനെയും അനുവദിക്കില്ലെന്ന് പ്രകാശ് ബാബു പറഞ്ഞു. പമ്പയിലടക്കം എല്ലായിടങ്ങളിലും യുവമോര്‍ച്ച പ്രവര്‍ത്തകരുണ്ട്. ഒരു യുവതി പോലും സന്നിധാനത്തെത്തില്ലെന്നും പ്രകാശ് ബാബു വെല്ലുവിളിച്ചു. സമരം തുടരുമെന്നും ഇവര്‍ വ്യക്തമാക്കി.