നാട്ടിലെത്തുവാന്‍ ബുദ്ധിമുട്ടിയ 100 പ്രവാസികള്‍ക്ക് വിമാന ടിക്കറ്റ് നല്‍കി മലയാളി ഡോക്ടര്‍മാര്‍

ദുബായ് ։ നാട്ടിലെത്തുവാന്‍ ബുദ്ധിമുട്ടിയ പ്രവാസികള്‍ക്ക് സഹായഹസ്തവുമായി പ്രവാസി ഡോകര്‍മാര്‍. യുഎഇയിലെ മലയാളി ഡോക്ടര്‍മാരുടെ സംഘടനയായ എകെഎംജിയാണ് പ്രവാസി ഇന്ത്യാക്കാര്‍ക്ക് നാട്ടിലേക്ക് മടങ്ങുന്നതിനുള്ള നൂറു പേര്‍ക്ക് വിമാന ടിക്കറ്റുകള്‍ നല്‍കിയത്. സാമ്പത്തികമായി ബുദ്ധിമുട്ടുള്ള നൂറുപേര്‍ക്കാണ് അധികൃതര്‍ വിമാന ടിക്കറ്റുകള്‍ ഏര്‍പ്പാടാക്കി കൊടുത്തത്.

Also Read : പുതിയ പാകിസ്ഥാന്‍ മാപ്പ്; ഇമ്രാന്‍ ഖാനെ പരിഹസിച്ചയാളെ ആക്രമിച്ച് ജനക്കൂട്ടം, ഒടുവിൽ അറസ്റ്റ്

യുഎഇ ഇന്ത്യൻ എംബസി, സന്നദ്ധ സംഘടനകള്‍ എന്നിങ്ങനെയുള്ളവ വഴി കണ്ടെത്തിയ അര്‍ഹരായ ആളുകള്‍ക്കാണ് ടിക്കറ്റ് നല്‍കി യത്. ഇന്ത്യൻ സമൂഹത്തിൽ കൊവിഡ്-19 രോഗവ്യാപനം തുടങ്ങിയപ്പോള്‍ മുതൽ സംഘടനയുടെ സഹായങ്ങള്‍ ലഭ്യമായിരുന്നു. സംഘടന നോര്‍ക്ക റൂട്ട്സുമായി സഹകരിച്ച് നടത്തിയ ടെലി കൗണ്‍സിലിങ്ങും നടത്തിയിരുന്നു.

കേരളത്തിൽ പ്രളയം ഉണ്ടായപ്പോഴും ഇത്തരത്തില്‍‍ വലിയ സഹകരണമാണ് ഡോക്ടര്‍മാരില്‍ നിന്നും ഉണ്ടായത്. ഇതിന് പുറമെ യുഎഇയിലും കേരളത്തിലുമായി ഈ സംഘടന സേവ് എ ഹാര്‍ട്ട് എന്ന പ്രോഗ്രാമിന്റെ ഭാഗമായി 75 ശസ്ത്രക്രിയകളും നടത്തിയിട്ടുണ്ട്. ഗള്‍ഫ് മാധ്യമമാണ് ഇത്തരത്തില്‍ വാര്‍ത്ത നല്‍കിയത്.

Also Read : 'ജയിലില്‍ വച്ച് കൃഷ്ണൻ ഇന്ന് ജനിച്ചു, നിങ്ങള്‍ക്ക് ഇന്ന് പുറത്തു പോകണോ' ഹര്‍ജിക്കാരനോട് സുപ്രീം കോടതി ചീഫ് ജസ്റ്റീസ്

നിരവധി പ്രവാസികളാണ് ഇത്തരത്തില്‍ നാട്ടിലേക്ക് ഇതിനോടകം മടങ്ങിയിരിക്കുന്നത്. നിലവില്‍ എകെഎംജിയിൽ 1500ലധികം ഡോക്ടര്‍മാരാണ് അംഗങ്ങളായുള്ളത്.