സിംഗപ്പൂരില്‍ 13 ഇന്ത്യക്കാര്‍ക്ക് സിക വൈറസ് ബാധ

സിംഗപ്പൂര്‍ സിറ്റി: സിംഗപ്പൂരില്‍ 13 ഇന്ത്യക്കാരില്‍ സിക വൈറസ് ബാധ സ്ഥിരീകരിച്ചു. 56 പേര്‍ക്കാണ് രാജ്യത്താകെ സിക വൈറസ് കണ്ടെത്തിയിരിക്കുന്നത്. ഇവരില്‍ 36 പേരും നിര്‍മാണമേഖലയില്‍ ജോലി ചെയ്യുന്ന അന്യരാജ്യ തൊഴിലാളികളാണ്. ചൊവ്വാഴ്ച വരെ 115 സിക വൈറസ് ബാധിത കേസുകളാണ് റിപ്പോര്‍ട്ട് ചെയ്തത്.

വിദേശകാര്യ വക്താവ് വികാസ് സ്വരൂപാണ് ഇന്ത്യക്കാരുടെ സികാ വൈറസ് ബാധ സ്ഥിരീകരിച്ചത്. 21 ചൈനീസ് പൗരന്മാര്‍ക്കും രോഗം സ്ഥിരീകരിച്ചിട്ടുണ്ട്. സിംഗപ്പൂരിലെ നിര്‍മാണ മേഖലയില്‍ ജോലി ചെയ്യുന്ന 3,60,000 വിദേശതൊഴിലാളില്‍ ഭൂരിഭാഗവും ഇന്ത്യന്‍ ഉപഭൂഖണ്ഡത്തില്‍ നിന്നുള്ളവരാണ്.

കൊതുകുകളിലൂടെ പടരുന്ന സിക വൈറസ് ഗര്‍ഭിണികളെ ബാധിച്ചാല്‍ ശിശുക്കള്‍ക്ക് ബുദ്ധിവൈകല്യം വരെ സംഭവിക്കാന്‍ സാധ്യതയുണ്ട്.