കുവൈത്തിൽ നാലുമാസത്തിനിടെ 4,500 വിദേശികളെ നാടുകടത്തി

കുവൈത്ത്: നാലുമാസത്തിനുള്ളിൽ കുവൈത്തിൽനിന്നും 4,500 വിദേശികളെ നാടുകടത്തി. ജനുവരി ഒന്നുമുതൽ ഏപ്രിൽ മുപ്പതുവരെയുള്ള കണക്കാണ് പുറത്തുവിട്ടിരിക്കുന്നത്. നാടുകടത്തിയതിൽ ഇന്ത്യക്കാരാണ് അധികവും.

ഇഖാമ പരിശോധനയിൽ പിടിയിലായവരെയാണ് നാടുകടത്തിയത്. വിവിധ കേസുകളിൽ ജയിൽ ശിക്ഷ അനുഭവിച്ചവരും നാടുകടത്തപ്പെട്ടവരിൽ ഉൾപ്പെടും. മദ്യം, മയക്കുമരുന്ന് കേസുകളിൽപ്പെട്ടവരാണ് നാടുകടത്തപ്പെട്ടവരിൽ അധികവും.

താമസ നിയമം ലംഘിച്ചവർ, ഗതാഗത നിയമം ലംഘിച്ചവർ, സാമ്പത്തിക തട്ടിപ്പ് നടത്തിയവർ എന്നിവരും നാടുകടത്തപ്പെട്ടവരിൽ പെടും. ഈജിപ്ത്, ബംഗ്ലാദേശ്, ശ്രീലങ്ക, അമേരിക്ക , ബ്രിട്ടൻ എന്നീ രാജ്യങ്ങളിൽനിന്നുള്ളവരാണ് മറ്റുള്ളവർ.