ജോലി നഷ്ടപെട്ട് വരുന്ന പ്രവാസികൾക്ക് 6 മാസത്തെ നഷ്ടപരിഹാരം

ദുബായ് : ഗള്‍ഫില്‍നിന്നു ജോലി നഷ്ടപ്പെട്ടു മടങ്ങുന്ന മലയാളികള്‍ക്കു കേരള സര്‍ക്കാരിന്റെ ആറുമാസത്തെ നഷ്ടപരിഹാര പാക്കേജ്. യുഎഇ സന്ദര്‍ശനത്തോടനുബന്ധിച്ച്‌ ഇവിടെ നടന്ന പൊതുസമ്മേളനത്തിലായിരുന്നു മുഖ്യമന്ത്രി പിണറായി വിജയന്റെ പ്രഖ്യാപനം.

ഗള്‍ഫില്‍ ജോലി ചെയ്ത ഓരോവര്‍ഷത്തിനും ഒരുമാസമെന്ന തോതില്‍ പെന്‍ഷന്‍ പരിഗണിക്കും. മടങ്ങിവരുന്നവരുടെ തൊഴില്‍ വൈദഗ്ധ്യം ഉപയോഗപ്പെടുത്താനാകുംവിധം ജോബ് പോര്‍ട്ടല്‍ തുടങ്ങും. തട്ടിപ്പു കമ്പനികളിൽ നിന്ന് വ്യാജ റിക്രൂട്മെന്റ് ഏജന്റുമാരില്‍നിന്നും തൊഴിലന്വേഷകര്‍ക്കു സംരക്ഷണം ഉറപ്പാക്കാന്‍ കേന്ദ്രവുമായി ചേര്‍ന്നു നിയമനിര്‍മാണത്തിനു ശ്രമിക്കും. റിക്രൂട്ടിങ് ഏജന്‍സികള്‍ നിലവിലുള്ള നിയമങ്ങള്‍ പാലിക്കുന്നുണ്ടോയെന്നും പരിശോധിക്കുമെന്നും അദ്ദേഹം വ്യക്തമാക്കി.

6 months package-for-expatriates-pinarayi.