കൊറോണ വൈറസ് യുഎഇയില്‍ സ്കൂളുകള്‍ക്ക് അവധിയെന്ന് വ്യാജവാര്‍ത്ത

ദുബായ്։ കൊറോണ വൈറസ് ബാധയെത്തുടര്‍ന്ന് യുഎഇയില്‍ സ്കൂളുകള്‍ക്ക് അവധി പ്രഖ്യാപിച്ചുവെന്ന് വ്യാജവാര്‍ത്തകള്‍ പ്രചരിക്കുന്നു. സമൂഹമാധ്യമങ്ങളിലൂടെയാണ് ഇത്തരത്തില്‍ വ്യാജവാര്‍ത്തകള്‍ പ്രചരിച്ചത്. പ്രമുഖ ഗള്‍ഫ് മാധ്യമത്തിന്റെ വാര്‍ത്ത എന്ന് വ്യാജേനയാണ് കൃത്രിമമായി നിര്‍മ്മിച്ച വാര്‍ത്ത പ്രചരിക്കുന്നത്. എന്നാല്‍, അത്തരത്തിലൊരു വാര്‍ത്ത വ്യാജമാണെന്നാണ് റിപ്പോര്‍ട്ട്.

ഫെബ്രുവരി രണ്ടിന് കൊറോണ വൈറസ് ബാധയെത്തുടര്‍ന്ന് യുഎഇയിലെ എല്ലാ സ്കൂളുകള്‍ക്കും അടച്ചിടുമെന്നാണ് റിപ്പോര്‍ട്ട്. ജനുവരി മുപ്പതിനാണ് ഈ വാര്‍ത്ത റിപ്പോര്‍ട്ട് ചെയ്തിരിക്കുന്നത്. യഥാര്‍ത്ഥ വാര്‍ത്തയില്‍ കോമയും കുത്തും മാറ്റി ഫോട്ടോഷോപ്പിന്റെ സഹായത്തോടെ വ്യാജ തലക്കെട്ടുണ്ടാക്കിയാണ് സമൂഹമാധ്യമങ്ങളിലൂടെ പ്രചരിപ്പിച്ചത്.

Also Read: ഗള്‍ഫില്‍ ഇനി വേനല്‍മഴയും പെയ്യും։ ക്ലൗഡ് സീഡിങ് പരീക്ഷിച്ചു

യഥാര്‍ത്ഥ ലേഖനത്തില്‍ വൈറസിനെതിരെ യുഎഇ ആരോഗ്യ മന്ത്രാലയം നല്‍കിയ എങ്ങിനെ പ്രതിരോധിക്കാം എന്നാണ് കുറിക്കുന്നത്. യുഎഇ നിവാസികള്‍ വൈറസിനെതിരെ മുന്‍കരുതല്‍ എടുക്കുന്നു. രാജ്യത്ത് വൈറസ് നിയന്ത്രണവിധേയമായതിനാല്‍ ആരും പരിഭ്രാന്തരാകേണ്ട കാര്യമില്ലെന്നും ആരോഗ്യമന്ത്രാലയം ഉറപ്പ് നല്‍കുന്നു. നാലംഗ ചൈനീസ് കുടുംബത്തിന് ബാധിച്ച വൈറസ് ബാധമാണ് രാജ്യത്ത് ഇതുവരെ സ്ഥിരീകരിച്ചിട്ടുള്ളത്.

Also Read: ആദ്യം നിപ ഇപ്പോള്‍ കൊറോണ വൈറസ് ബാധകളില്‍ നിന്നും രക്ഷനേടാന്‍ മുഖംമൂടികള്‍ മാത്രം മതിയോ ?

പ്രമുഖ മാധ്യമത്തില്‍ വന്ന വാര്‍ത്ത ജനങ്ങളില്‍ ആശങ്ക പടര്‍ത്തിയിരുന്നു. പിന്നീട് മാധ്യമം തന്നെയാണ് യഥാര്‍ത്ഥ വാര്‍ത്ത പുറത്ത് വിട്ടത്. നിലവില്‍ ആരുടേയും ആരോഗ്യ നില ഗുരുതരമല്ലെന്നാണ് റിപ്പോര്‍ട്ട്. വൈകാതെ തന്നെ ഇവര്‍ക്ക് തിരികെ വീട്ടിലേക്ക് മടങ്ങാമെന്നാണ് സൂചന.