രാജ്യത്തേക്ക് കടക്കുന്നതിനുള്ള കൊവിഡ് പരിശോധനയ്ക്ക് ഇളവ് വരുത്തി അബുദാബി

അബുദാബി：യുഎഇ തലസ്ഥാനമായ അബുദാബിയിലേക്ക് പ്രവേശിക്കുന്നതിനുള്ള നിയമങ്ങളില്‍ മാറ്റം. വെള്ളിയാഴ്ചയാണ് ഇത്തരത്തില്‍ വീണ്ടും പരിഷ്കാര നടപടികള്‍ ഉണ്ടായിരിക്കുന്നത്. ഇന്ന് മുതല്‍ ഈ പുതിയ നിയങ്ങള്‍ പ്രാബല്യത്തില്‍ എത്തുമെന്നും അബുദാബി മീഡിയ ഓഫീസ് വ്യക്തമാക്കി.

Also Read : മയക്കുമരുന്ന് കേസ്: ഇന്ന് കൂടുതല്‍ അറസ്റ്റിന് സാധ്യത, പ്രമുഖരിലേക്ക് അന്വേഷണം

സ്വദേശികള്‍ 48 മണിക്കൂര്‍ മുന്‍പുള്ള കൊവിഡ് പരിശോധനയുടെ ഫലം കൊണ്ടു വരണം എന്നാണ് ദേശീയ എമര്‍ജന്‍സി ആന്റ് ക്രൈസിസ് വകുപ്പ് വ്യക്തമാക്കുന്നത്. പിസിആര്‍ പരിശോധനയോ അല്ലെങ്കില്‍ ഡിപിഐ പരിശോധനയോ ആണ് നടത്തേണ്ടത് എന്നും നിര്‍ദ്ദേശത്തില്‍ വ്യക്തമാക്കുന്നു. ഡിപി‌ഐ പരിശോധന ഫലങ്ങൾ‌ക്ക് ഇപ്പോൾ‌ ഒരു മുൻ‌ പി‌സി‌ആർ‌ ടെസ്റ്റിന്റെ ആവശ്യമില്ലെന്നും അധികൃതര്‍ ട്വീറ്റിലൂടെ അറിയിച്ചു.

സെപ്റ്റംബർ അഞ്ച് ശനിയാഴ്ച മുതൽ, നെഗറ്റീവ് ഫലമായുള്ള സ്വദേശികൾക്കും സന്ദർശകർക്കും പിസിആർ അല്ലെങ്കിൽ ഡിപിഐ പരിശോധന ഫലം ലഭിച്ച് 48 മണിക്കൂറിനുള്ളിൽ അബുദാബി എമിറേറ്റിലേക്ക് പ്രവേശിക്കാൻ സാധിക്കും. ഡിപിഐ പരിശോധനാ ഫലങ്ങൾക്ക് ഇനിമേൽ പിസിആർ പരിശോധന ആവശ്യമില്ല. എന്നായിരുന്നു ട്വീറ്റ്.

Also Read : രാജ്യത്ത് ചിലയിടത്ത് 'രണ്ടാം തരംഗം'; വൈറസ് ഭീഷണി ഇനി എത്ര നാൾ? നിർണായക വെളിപ്പെടുത്തലുമായി എയിംസ് ഡയറക്ടർ

അതിന് പുറമെ, എമിറേറ്റില്‍ ആറു ദിവസത്തിലധികം താമസിക്കുവാന്നയാള്‍ക്ക് അധിക പിസിആര്‍ പരിശോധനയ്ക്ക് വിധേയനാകണമെന്നും നിര്‍ദ്ദേശിക്കുന്നു. തുടര്‍ച്ചയായി ആറോ അതിലധികം ദിവസമോ നഗരത്തില്‍ താമസിക്കുന്നുവെങ്കില്‍ ഓരോ സന്ദർശനത്തിന്റെയും ആറാം ദിവസം പിസിആർ പരിശോധന നടത്തണം. പൗരന്മാരുടെ ആരോഗ്യത്തിനും സുരക്ഷയ്ക്കുമായാണ് ഇത്തരത്തില്‍ ഒരു നിര്‍ദ്ദേശം മുന്നോട്ട് വച്ചിരിക്കുന്നത് എന്നും അബുദാബി മീഡിയ ഓഫീസ് വ്യക്തമാക്കി.

Also Read : അതിർത്തിയിലെ സ്ഥിതി വഷളായെന്ന് ആവർത്തിച്ച് ചൈന; 'ഉത്തരവാദി ഇന്ത്യ'

ജൂണ്‍ 2 വരെയായിരുന്നു യുഎഇയിലേക്ക് എത്തുന്നതിനുള്ള നിയന്ത്രണങ്ങള്‍ ഏര്‍പ്പെടുത്തിയിരുന്നത്. റാപ്പിഡ് ടെസ്റ്റുകള്‍ നടത്തുന്നതിന് 50 ദിര്‍‍ഹമാണ് ഈടാക്കുന്നത് പിസിആര്‍ സ്രവ പരിശോധനയ്ക്ക് 370 ദിര്‍ഹം വീതവും ആളുകളിൽ നിന്നും ഈടാക്കുന്നുണ്ട്.