അബുദാബി രാജ്യാന്തര പുസ്‌തകമേള തുടങ്ങി

അബുദാബി : ഇരുപത്തി ആറാമത് രാജ്യാന്തര പുത്സകമേള അബുദാബിയില്‍ ബുധനാഴ്ച്ച തുടങ്ങി. മെയ് മൂന്നു വരെയാണ് പുസ്തകമേള. അബുദാബി കിരീടാവകാശിയും യുഎഇ ഉപസർവസൈന്യാധിപനുമായ ജനറൽ ഷെയ്‌ഖ് മുഹമ്മദ് ബിൻ സായിദ് അൽ നഹ്യാനാണ് മേളയുടെ അധ്യക്ഷൻ. അബുദാബി നാഷനൽ എക്‌സിബിഷൻ സെന്‍ററിലാണ് പുസ്തകമേള നടത്തുന്നത്.

മേള സന്ദർശിക്കുന്ന 50 ലക്ഷം വിദ്യാർഥികൾക്കു പുസ്തകസഞ്ചി സമ്മാനിക്കുമെന്നു അബുദാബി ടൂറിസം ആൻഡ് കൾച്ചർ അതോറിറ്റി പ്രഖ്യാപിച്ചിട്ടുണ്ട്. പുതിയ നാഷനൽ ലൈബ്രറിയുടെ നേതൃത്വത്തിൽ സ്‌കൂൾ, യൂണിവേഴ്‌സിറ്റി വിദ്യാർഥികൾക്കു സംസ്‌കാരികവും സാമൂഹികവുമായ അവബോധം പ്രോത്സാഹിപ്പിക്കുന്നതിനായുള്ള പരിപാടികളും നടപ്പിലാക്കുന്നുണ്ട്.