ഇന്ത്യയിലേക്ക് മടങ്ങുന്നവര്‍ നിര്‍ബന്ധമായും പാലിക്കേണ്ട നിർദേശങ്ങൾ പുറത്തുവിട്ട് എയര്‍ ഇന്ത്യ എക്‌സ്പ്രസ്

ന്യൂഡൽഹി: കൊവിഡ്-19 വ്യാപനത്തിൻ്റെ പശ്ചാത്തലത്തിൽ പ്രവാസികൾ മടങ്ങിയെത്തുന്ന സാഹചര്യം തുടരുകയാണ്. ഗൾഫ് രാജ്യങ്ങളിൽ നിന്നാണ് കൂടുതൽ ആളുകൾ കേരളമടക്കമുള്ള സംസ്ഥാനങ്ങളിലേക്ക് എത്തുന്നത്. ഈ സാഹചര്യത്തിലാണ് മടങ്ങിയെത്തുന്നവർ നിർബന്ധമായും പാലിക്കേണ്ട നിർദേശങ്ങൾ എയർ ഇന്ത്യ എക്‌സ്‌പ്രസ് പുറത്തുവിട്ടു.

Also Read: പാക് സൈനിക മേധാവിയുടെ മാപ്പപേക്ഷയും വിലപ്പോയില്ല։ മുഖം തിരിച്ച് സൗദി

ഇന്ത്യയിലേക്ക് മടങ്ങുന്നവർ എല്ലാവരും നിർബന്ധമായി എയർ ഇന്ത്യ സുവിധ സെൽഫ് റിപ്പോർട്ടിങ് ഫോം പൂരിപ്പിക്കണം. ഇക്കാര്യത്തിൽ വീഴ്‌ച വരുത്താൻ പാടില്ലെന്നും അധികൃതർ നിർദേശം നൽകി. എയർ ഇന്ത്യ എക്‌സ്പ്രസ് വിമാനങ്ങളിൽ യാത്ര ചെയ്യുന്നവർ വിമാനത്താവളത്തിൽ റിപ്പോർട്ട് ചെയ്യുന്നതിന് മുൻപ് തന്നെ എയർ സുവിധ സെൽഫ് റിപ്പോർട്ടിങ് ഫോം പൂരിപ്പിക്കണം.

ഇന്ത്യയിൽ കൊവിഡ് ബാധിതരുടെ എണ്ണം വർധിക്കുന്ന സാഹചര്യത്തിലാണ് യാത്രക്കാർക്ക് എയർ ഇന്ത്യ എക്‌സ്‌പ്രസ് നിർദേശങ്ങൾ നൽകിയത്. എന്നാൽ ഫോമിലെ വിവരങ്ങൾ എന്താണെന്ന് വ്യക്തമായിട്ടില്ല. കൊവിഡ് വ്യാപനം തുടരുന്ന സാഹചര്യത്തിൽ ഇത് സംബന്ധിച്ച കാര്യങ്ങളാണ് സുവിധ സെൽഫ് റിപ്പോർട്ടിങിൽ പറയുക.

Also Read: കൊവിഡ്-19 വാക്സിൻ എല്ലാവരിലേക്കും എത്തണം։ സമഗ്ര പദ്ധതി തയ്യാറാക്കി ലോകാരോഗ്യ സംഘടന

വിവിധ ഗൾഫ് രാജ്യങ്ങൾ കൊവിഡ് മാർഗനിർദേശങ്ങളിൽ ഇളവ് അനുവദിച്ച് തുടങ്ങിയിരുന്നു. സ്‌കൂളുകൾ അടക്കമുള്ള സ്ഥാപനങ്ങൾ തുറന്ന് പ്രവർത്തിക്കുന്നതിലേക്ക് കാര്യങ്ങൾ നീങ്ങുകയാണ്. കൊവിഡ്-19 മാനദണ്ഡങ്ങൾ പാലിച്ച് കൊണ്ടാണ് ഇളവുകൾ നൽകുക. കുവൈറ്റിൽ ബസ് സർവീസുകളും സലൂണുകളും പ്രവർത്തനം ആരംഭിച്ചിരുന്നു. ഹെൽത്ത് ക്ലബുകൾ, തയ്യൽക്കടകൾ തുറന്നു. സുരക്ഷാ മുൻകരുതലുകൾ ഉൾപ്പെടെയുള്ള മാർഗനിർദേശങ്ങൾ പാലിച്ച് വേണം തുറന്ന് പ്രവർത്തിക്കാനെന്ന് അധികൃതർ വ്യക്തമാക്കുന്നുണ്ട്. ഓഡിറ്റോറിയങ്ങൾ, സിനിമാ തിയേറ്ററുകൾ തുടങ്ങിയവ അടഞ്ഞ് തന്നെ കിടക്കും. കൊവിഡ് കേസുകളിൽ ശമനം ഇല്ലാത്തതിനാൽ അടുത്ത ഘട്ടത്തിലായിരിക്കും ഇവ തുറന്ന് പ്രവർത്തിക്കുകയെന്നാണ് ഗൾഫ് മാധ്യമങ്ങൾ റിപ്പോർട്ട് ചെയ്യുന്നത്.