ഗൾഫ് വിമാന നിരക്ക് കുറയ്ക്കാൻ നടപടിയുണ്ടാകും: കേന്ദ്രം

തിരുവനന്തപുരം: ഉത്സവ സീസണുകളിൽ ഗള്‍ഫ് രാജ്യങ്ങളിലേക്കുള്ള വിമാന നിരക്ക് കുത്തനെ വര്‍ധിപ്പിക്കുന്ന പ്രവണതയിൽ മാറ്റം വരുത്തുമെന്ന് കേന്ദ്രം. മുഖ്യമന്ത്രി പിണറായി വിജയന്‍ ഉന്നയിച്ച ആവശ്യത്തിനാണ് സിവില്‍ ഏവിയേഷന്‍ മന്ത്രാലയം അനുകൂല പ്രതികരണം നൽകിയത്.

പുതുതായി തുടങ്ങുന്ന കണ്ണൂര്‍ ഉള്‍പ്പെടെ കേരളത്തിലെ നാലു വിമാനത്താവളങ്ങളിലേക്ക് കൂടുതല്‍ വിമാന സര്‍വീസുകള്‍, കേരളത്തിലെ നഗരങ്ങളെ ബന്ധിപ്പിച്ചു കൊണ്ട് കൂടതല്‍ ആഭ്യന്തര സര്‍വീസുകള്‍ എന്നീ ആവശ്യങ്ങള്‍ സംബന്ധിച്ച്‌ വിളിച്ചു ചേര്‍ത്ത എയര്‍ലൈന്‍ കമ്പനികളുടെ യോഗത്തിലാണ് മുഖ്യമന്ത്രി ഈ ആവശ്യം ശക്തിയായി ഉന്നയിച്ചത്.

ഉഭയകക്ഷി കരാര്‍ പ്രകാരമാണ് വിദേശ വിമാന കമ്പനികള്‍ക്ക് മന്ത്രാലയം സീറ്റ് അനുവദിക്കുന്നത്. മുന്‍കൂട്ടി സീറ്റ് വര്‍ധന തീരുമാനിക്കാന്‍ കഴിഞ്ഞാല്‍ നിരക്ക് കുത്തനെ ഉയര്‍ത്തുന്നത് ഒഴിവാക്കാന്‍ കഴിയുമെന്ന് യോഗത്തില്‍ പങ്കെടുത്ത എയര്‍ലൈന്‍ കമ്പനികള്‍ അറിയിച്ചു.

Airlines told not to hike fare in peak season

The Civil Aviation Ministry has responded favourably to Chief Minister Pinarayi Vijayan’s demand that the Centre correct the practice of increasing Gulf flight fares during festival seasons.