സൗദിയില്‍ പ്രദര്‍ശിപ്പിക്കുന്ന ആദ്യ ചലച്ചിത്രം

റിയാദ്: 35 വര്‍ഷത്തെ നിരോധനത്തിന് ശേഷം സൗദി അറേബ്യയില്‍ പ്രദ‍ർശിപ്പിക്കുന്ന ചിത്രം ബോണ്‍ എ കിംഗ്. നയതന്ത്ര കാര്യങ്ങളെക്കുറിച്ച്‌ ലോര്‍ഡ് കഴ്സണ്‍, വിന്‍സ്റ്റണ്‍ ചര്‍ച്ചില്‍ തുടങ്ങിയ നേതാക്കന്മാരുമായി ചര്‍ച്ച ചെയ്യുന്നതിന് തന്റെ 14 ലാം വയസ്സില്‍ ഒറ്റയ്ക്കു ഇംഗ്ലണ്ടിലേക്ക് പോയ കിംഗ് ഫൈസലിന്റെ ജീവിത കഥയാണ് സിനിമയുടെ പ്രമേയം.

അടുത്ത വര്‍ഷം മാര്‍ച്ചിലാണ് സൗദിയിലെ ഫൈസല്‍ രാജാവിന്റെ ജീവിതം ആസ്പദമാക്കിയുള്ള സിനിമ പ്രദര്‍ശിപ്പിക്കുക. യുകെയില്‍ ചിത്രീകരണം നടന്നു വരുന്ന ഈ ചിത്രം ഫെബ്രുവരിയോടെ പൂര്‍ത്തിയാകുമെന്നാണ് പ്രതീക്ഷ. ഹെന്‍റി ഫൈസര്‍ബെര്‍ട്ട് തിരക്കഥയും അഗസ്റ്റി വില്ലറോങ്ങാ സംവിധാനവും ചെയ്യുന്ന 'ബോണ്‍ എ കിംഗ്' ആദ്യം റിയാദില്‍ റിലീസ് ചെയ്യാനാണ് സാധ്യത.

സ്ത്രീയും പുരുഷനും ഒരുമിച്ച്‌ അഭിനയിക്കുന്ന ഇത്തരം വിനോദോപാധികള്‍ മുസ്ലിം രാജ്യത്തിന് ചേരുന്നില്ലെന്ന പറഞ്ഞാണ് 1980ൽ സൗദിയിൽ സിനിമ നിരോധിച്ചത്.