ദുബായിൽ ഇന്ത്യക്കാരൻ സഹപ്രവര്‍ത്തകനെ കുത്തിക്കൊന്നു

ദുബായ്: അടുക്കളയിൽ ആദ്യം ആരു പാചകം ചെയ്യുമെന്ന തര്‍ക്കത്തിനിടെ ഇന്ത്യക്കാരൻ സഹപ്രവര്‍ത്തകനെ കുത്തിക്കൊന്നു. അൽ ഖ്വാസ് ഇന്‍‍ഡസ്ട്രിയൽ ഏരിയ 2ലെ ലേബര്‍ ക്യാംപിലാണ് സംഭവം. 29 വയസ്സുള്ള ഏഷ്യൻ വംശജനെയാണ് 23കാരനായ ഇന്ത്യക്കാരൻ കുത്തിക്കൊന്നത്. ഗുരുതരമായി പരിക്കേറ്റ ഇയാളെ റാഷിദ് ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു.

സംഭവത്തെത്തുടര്‍ന്ന് ഇയാളെ പിടിച്ചുവെച്ച താമസസ്ഥലത്തെ മറ്റുള്ളവര്‍ സ്ഥലത്തെത്തിയ ദുബായ് പോലീസിന് കൈമാറുകയായിരുന്നു.

ഇരുവരും തമ്മിൽ ശക്തമായ വാദപ്രതിവാദം ഉണ്ടായെന്ന് പാക്കിസ്ഥാൻ സ്വദേശിയായ സൂപ്പര്‍വൈസര്‍ പറഞ്ഞു. ഒരാളുടെ നിലവിളി കേട്ട് ഓടിയെത്തിയപ്പോള്‍ മരിച്ച വ്യക്തി രക്തത്തിൽ കുളിച്ചു കിടക്കുന്നതാണ് കണ്ടതെന്ന് മറ്റു ജോലിക്കാര്‍ പറഞ്ഞു.

മരിച്ച വ്യക്തിയും പ്രതിയും രണ്ടുമാസം മുൻപുവരെ സുഹൃത്തുക്കളായിരുന്നു. പിന്നീട്, മദ്യപിച്ചെത്തിയ ഇരുവരും തമ്മിൽ തെറ്റുകയായിരുന്നുവെന്ന് ഒപ്പം താമസിക്കുന്നവര്‍ പറഞ്ഞു.