സൗദിയില്‍ കൊവിഡ് രോഗികളുടെ എണ്ണം കൂടുന്നു; ഇന്ന് മാത്രം 2,532 പുതിയ കേസുകൾ, 12 മരണം

ദുബായ്: സൗദി അറേബ്യയിൽ 2,532 പുതിയ കൊറോണ വൈറസ് കേസുകൾ റിപ്പോർട്ട് ചെയ്തു. ഇതോടെ രാജ്യത്ത് മൊത്തം രോഗം ബാധിച്ചവരുടെ എണ്ണം 63,077 ആയി. ആരോഗ്യ മന്ത്രാലയം ആണ് കണക്കുകള്‍ പുറത്ത് വിട്ടിരിക്കുന്നത്. രാജ്യത്ത് തീവ്രപരിചരണ വിഭാഗത്തില്‍ 281 കേസുകളാണ് ഉളളത്. 2,562 പേര്‍ക്ക് രോഗം ഭേദമായി. ഇതോടെ രാജ്യത്ത് രോഗം ഭേദമായവരുടെ എണ്ണം 36,040 ആയി.

Also Read: വിശ്വാസികളുടെ തിരക്കില്ലാതെ റമദാനിലെ 27ാം രാവ്; കൊവിഡ് കാലത്തെ മക്കയിലെ കാഴ്ചകൾ ഇങ്ങനെ

12 മരണങ്ങള്‍ ആണ് ഇന്ന് മന്ത്രാലയം സ്ഥിരീകരിച്ചിട്ടുള്ളത്. ഇതോടെ രാജ്യത്ത് മരിച്ചവരുടെ എണ്ണം 351 ആയി. രാജ്യത്തെ വൈറസ് അണുബാധിതരുടെ എണ്ണത്തെക്കുറിച്ചും മറ്റ് അനുബന്ധ വിവരങ്ങളെക്കുറിച്ചും തൽക്ഷണം വിവരങ്ങൾ നൽകുന്നതിന് ആവശ്യമായ മെബൈല്‍ ആപ്ലിക്കേഷൻ ഒരുക്കാനുള്ള തയ്യാറെടുപ്പിലാണ് മന്ത്രാലയം.

Also Read: കുവൈത്തിൽ ഇന്ന് 1,041 പേര്‍ക്ക് കൂടി കൊവിഡ്; 5 മരണം

കൊറോണ വൈറസിന്‍റെ ലക്ഷണങ്ങൾ കാണിക്കുന്ന ആളുകള്‍ക്ക് സ്വന്തം രോഗം തിരിച്ചറിയാനും ആവശ്യമായ മുന്‍കരുതല്‍ നടപടികള്‍‍ സ്വീകരിക്കാനും ആവശ്യമായ നിര്‍ദ്ദേശങ്ങള്‍ നല്‍കാനും ആപ്പില്‍ സൗകര്യം ഒരുക്കിയിട്ടുണ്ടെന്ന് മന്ത്രാലയം അറിയിച്ചു.