യുഎഇയിൽ ഇന്ന് ഏറ്റവുമുയർന്ന പ്രതിദിന കൊവിഡ് കേസുകൾ; 1452 പേർക്ക് രോഗമുക്തി

അബുദാബി: ആശങ്ക തുടരുന്നതിനിടെ യുഎഇയിൽ ഏറ്റവും ഉയർന്ന പ്രതിദിന കൊവിഡ്-19 കേസുകൾ ഇന്ന് റിപ്പോർട്ട് ചെയ്‌തു. കഴിഞ്ഞ 24 മണിക്കൂറിൽ 1315 കൊവിഡ് കേസുകളും രണ്ട് മരണവും സ്ഥിരീകരിച്ചതായി ആരോഗ്യ മന്ത്രാലയം വ്യക്തമാക്കി.

Also Read: ലോക് ഡൗൺ: പ്രവാസികൾക്ക് 50 കോടി രൂപ നൽകി; ഇനിയും അപേക്ഷിക്കാം

കൊവിഡ് സ്ഥിരീകരിച്ച് ചികിത്സയിൽ കഴിഞ്ഞ് ചികിത്സയിൽ കഴിഞ്ഞിരുന്ന 1452 പേർക്ക് രോഗമുക്തിയുണ്ടായി. രോഗബാധിതരുടെ എണ്ണത്തിൽ മാറ്റമുണ്ടായ സാഹചര്യത്തിൽ കഴിഞ്ഞ 24 മണിക്കൂറിനിടെ 97,000 കൊവിഡ് ടെസ്‌റ്റുകൾ കൂടി നടത്തിയതിൽ നിന്നാണ് 1315 കൊവിഡ് കേസുകൾ സ്ഥിരീകരിച്ചത്.

രാജ്യത്ത് ഇതുവരെ 1,08,608 പേർക്കാണ് കൊവിഡ് സ്ഥിരീകരിച്ചത്. ഇതിൽ 1,00,007 പേർ രോഗമുക്തി നേടി. ഇതുവരെ 448 കൊവിഡ് മരണങ്ങളും രാജ്യത്ത് റിപ്പോർട്ട് ചെയ്‌തു. 8153 കൊവിഡ് രോഗികളാണ് രാജ്യത്തുള്ളതെന്ന് യുഎഇ ആരോഗ്യ മന്ത്രാലയം വ്യക്തമാക്കി.

Also Read: കൊവിഡ്: പുതിയ നിർദേശവുമായി സൗദി, ജോലിക്കാരുടെ താമസസ്ഥലത്തിൻ്റെ വിവരങ്ങൾ ഹാജരാക്കണം

ഇതുവരെ 1.104 കോടിയിലധികം കൊവിഡ് പരിശോധന നടത്തിയതെന്നും അധികൃതർ പറഞ്ഞു. 1231 കൊവിഡ് കേസുകൾ റിപ്പോർട്ട് ചെയ്‌ത ഒക്‌ടോബർ മൂന്നിനാണ് മുൻപ് കൂടുതൽ കൊവിഡ് കേസുകൾ രാജ്യത്ത് റിപ്പോർട്ട് ചെയ്‌തത്. സെപ്‌റ്റംബർ 12നാണ് രാജ്യത്തെ രോഗികളുടെ എണ്ണം ആയിരം കടന്നത്.