അസാധു നോട്ട് വിദേശ ഇന്ത്യൻ ബാങ്കുകളിൽ മാറ്റാനാവില്ല

ജിദ്ദ: അസാധുവാക്കിയ 500, 1000 രൂപ കറന്‍സികള്‍ വിദേശ രാജ്യങ്ങളിലെ ഇന്ത്യന്‍ ബാങ്കുകളുടെ ശാഖകളില്‍ മാറ്റിയെടുക്കാനാവില്ലെന്ന് റിസര്‍വ് ബാങ്ക് ഓഫ് ഇന്ത്യ. അതേ സമയം, പ്രവാസികള്‍ക്കുണ്ടായ ബുദ്ധിമുട്ട് പരിഹരിക്കാനായി വിവിധ ഗള്‍ഫ് നാടുകളിലെ ഇന്ത്യന്‍ സ്ഥാനപതിമാര്‍ റിസര്‍വ് ബാങ്കിന്റെ മാര്‍ഗനിര്‍ദേശം തേടിയിട്ടുണ്ട്.

സോഷ്യൽ മീഡിയയിലെ തെറ്റായ പ്രചാരണങ്ങള്‍ പ്രവാസികളെയും ബാങ്ക് അധികാരികളെയും വലക്കുന്നതിനാൽ ആ‍ർബിഎെ സംശയങ്ങള്‍ക്കുള്ള മറുപടികൾ റിസര്‍വ് ബാങ്ക് ഓഫ് ഇന്ത്യയുടെ വെബ്‌സൈറ്റില്‍ പ്രസിദ്ധപ്പെടുത്തിയിട്ടുണ്ട്. നിലവില്‍ ഗള്‍ഫിലെ മണി എക്‌സ്‌ചേഞ്ചുകള്‍ അസാധു നോട്ടുകള്‍ സ്വീകരിക്കുന്നില്ല.