അനധികൃത പാർക്കിങ്; കർശന നടപടിയുമായി അജ്മാൻ പോലീസ്

അജ്മാൻ: അനധികൃതമായി വാഹനം പാർക്ക് ചെയ്താൽ ആയിരം ദിർഹം പിഴ ചുമത്തുമെന്ന് അജ്മാൻ പോലീസ്. ആരാധനാലയങ്ങളിലെത്തുന്നവരാണ് അനധികൃതമായി വാഹനം പാർക്ക് ചെയ്തുവരുന്നതെന്ന് അജ്മാൻ പോലീസ് പറഞ്ഞു. വാഹനം അലക്ഷ്യമായി പാർക്ക് ചെയ്യുന്നത് ഗതാഗത തടസ്സം ഉണ്ടാക്കുന്നുണ്ടെന്നും നിയമം ലംഘിക്കുന്നവർക്ക് ആറ് ബ്ലാക്ക് പോയിന്റ് രേഖപ്പെടുന്നുമെന്നും പോലീസ് വ്യക്തമാക്കി.

വാഹനം ഓഫ് ചെയ്യാതെ പോകുന്നത് മോഷണത്തിനിടയാക്കുന്നുണ്ട്. ഇതിനെതിരെ പോലീസ് ബോധവത്കരണം ആരംഭിച്ചിട്ടുണ്ട്. അനധികൃതമായി വാഹനം പാർക്ക് ചെയ്യുന്നവരെ കണ്ടെത്താൻ പട്രോളിങ് ആരംഭിച്ചിട്ടുണ്ടെന്ന് അജ്മാൻ പോലീസ് പട്രോൾ വകുപ്പ് മേധാവി ലഫ് കേണൽ അബ്ദുല്ല അൽ ഫലാസ് പറഞ്ഞു.