ദുബായ്: കാർ പൊടിപിടിച്ചു കിടന്നാൽ 500 ദിർഹം പിഴയൊടുക്കേണ്ടിവരുമെന്ന് ദുബായ് മുനിസിപ്പാലിറ്റിയുടെ മുന്നറിയിപ്പ്. ദൂരയാത്ര പോകുന്നവർ വാഹനം റോഡരുകിൽ പാർക്ക് ചെയ്തുപോകുന്നത് നടപടിക്ക് കാരണമാകുമെന്നും മുന്നറിയിപ്പിൽ പറയുന്നു. കാറുകൾ പൊടിപിടിച്ചുകിടന്നാൽ നഗരത്തിന്റെ സൗന്ദര്യത്തെ ബാധിക്കുമെന്നാണ് ദുബായ് മുനിസിപ്പാലിറ്റിയുടെ വിശദീകരണം. വേനൽക്കാല അവധിക്ക് ദൂരസ്ഥലങ്ങളിലേക്ക് യാത്രപോകുന്നവരെ ഉദ്ദേശിച്ചാണ് നടപടി. കാറുകൾ പൊടിപിടിച്ചു കിടക്കുന്നത് ശ്രദ്ധയിൽപ്പെട്ടാൽ മുനിസിപ്പാലിറ്റി ഇൻസ്പെക്ടർമാരെത്തി കാറിൽ സ്റ്റിക്കറൊട്ടിക്കും. 15 ദിവസത്തിനുള്ളിൽ വൃത്തിയാക്കിയില്ലെങ്കിൽ മുനിസിപ്പാലിറ്റി കാർ കണ്ടുകെട്ടും. എന്നിട്ടു ഉടമയിൽനിന്നും പ്രതികരണം ഉണ്ടായില്ലെങ്കിൽ കാർ ലേലം ചെയ്യും.
കാർ പൊടിപിടിച്ചു കിടന്നാൽ പിഴയടയ്ക്കാൻ ഒരുങ്ങിക്കോളൂ
കാർ വൃത്തിയാക്കിയില്ലെങ്കിൽ മുനിസിപ്പാലിറ്റി അധികൃതർ കണ്ടുകെട്ടുമെന്ന് മുന്നറിയിപ്പിൽ പറയുന്നു. വേനൽക്കാല അവധിക്കായി ദുര സ്ഥലങ്ങളിലേക്ക് യാത്രപോകുന്നവരെ ഉദ്ദേശിച്ചാണ് മുന്നറിയിപ്പ്.
Samayam Malayalam 11 Jul 2019, 8:46 pm
ഹൈലൈറ്റ്:
- മുന്നറിയിപ്പ് ലഭിച്ചാൽ 15 ദിവസത്തിനുള്ളിൽ കാർ വൃത്തിയാക്കണം
- മുന്നറിയിപ്പ് അവഗണിച്ചാൽ കാർ കണ്ടുകെട്ടും
- ഉടമ ബന്ധപ്പെട്ടില്ലെങ്കിൽ കാർ ലേലം ചെയ്യും