യാത്രാ പ്രശ്നം പരിഹരിക്കാന്‍ ശ്രമം; ഗള്‍ഫ് രാജ്യങ്ങളിലെ അംബാസഡര്‍മാരുമായി കേന്ദ്ര വിദേശകാര്യ മന്ത്രി കൂടിക്കാഴ്‍ച നടത്തി

കുവൈറ്റ്: മൂന്ന് ദിവസത്തെ സന്ദര്‍ശനത്തിനായി കുവൈറ്റിലെത്തിയ കേന്ദ്ര വിദേശകാര്യ മന്ത്രി എസ്. ജയ്‍ശങ്കര്‍ ഗള്‍ഫ് രാജ്യങ്ങളിലെ ഇന്ത്യന്‍ അംബാസഡര്‍മാരുമായി കൂടിക്കാഴ്‍ച നടത്തി. യുഎഇ, ഒമാന്‍, കുവൈത്ത്, ബഹ്റൈന്‍, സൗദി അറേബ്യ, ഇറാന്‍, ഖത്തര്‍, എന്നീ രാജ്യങ്ങളിലെ ഇന്ത്യന്‍ അംബാസഡര്‍മാര്‍
യോഗത്തില്‍ പങ്കെടുത്തു.

ഇന്ത്യക്കാരുടെ ക്ഷേമം ഉറപ്പുവരുത്തുക, കൊവിഡ് കാരണം പല സ്ഥലങ്ങളിലായി നിരവധി പേര്‍ കുടുങ്ങികിടപ്പുണ്ട്. അവര്‍ക്ക് ആവശ്യമായ സഹായങ്ങള്‍ എത്തിക്കുക. ഗള്‍ഫ് രാജ്യങ്ങളില്‍ നിന്ന് മടങ്ങിയ ഇന്ത്യക്കാരുടെ തിരിച്ചുവരവ്. യാത്രാ ദുരിതം അവസാനിപ്പിക്കുക. വിമാന സര്‍വീസുകള്‍ വേഗത്തില്‍ പുനഃരാരംഭിക്കുന്നതിനുള്ള നടപടികള്‍ എന്നിവയെ കുറിച്ചായിരുന്നു പ്രധാനമായും ചര്‍ച്ചകള്‍ നടന്നത്.

Also Read: ഒമാനില്‍ വന്‍ മദ്യശേഖരവുമായി പ്രവാസി പിടിയില്‍
കൂടാതെ ഇന്ത്യയുടെ വ്യാപാര താത്പര്യങ്ങള്‍ പ്രോത്സാഹിപ്പിക്കാനും അതുവഴി സാമ്പത്തിക രംഗത്തെ തിരിച്ചുവരവിന് സഹായിക്കുന്ന കാര്യങ്ങളെ പറ്റിയും യോഗത്തില്‍ ചര്‍ച്ചകള്‍ നടന്നു. വിവിധ രാജ്യങ്ങളിലെ അംബാസഡര്‍മാരുമായുള്ള കൂടിക്കാഴ്‍ച ഫലപ്രദമായിരുന്നു. ചര്‍ച്ച ചെയ്‍ത വിഷയങ്ങള്‍ നടപ്പിലാക്കാന്‍ എംബസികളുടെയും അംബാസഡര്‍മാരുടെയും ഭാഗത്ത് സഹകരണമുണ്ടാകുമെന്ന് പ്രതീക്ഷിക്കുന്നതായി വിദേശകാര്യ മന്ത്രി എസ്. ജയ്‍ശങ്കര്‍ ട്വീറ്റ് ചെയ്‍തു.