ദുബായില്‍ വാഹനാപകടത്തില്‍ മലപ്പുറം സ്വദേശി മരിച്ചു։ മറ്റൊരാള്‍ക്ക് പരിക്ക്

ദുബായ്։ ദുബായില്‍ വാഹനാപകടത്തില്‍ മലപ്പുറം സ്വദേശി കൊല്ലപ്പെട്ടു. ഇരുമ്പൂഴി പറമ്പന്‍ ഭഗവതി പറമ്പത്ത് സവാദ് ആണ് മരിച്ചത്. 29 വയസ്സായിരുന്നു.

Also Read : ഏഷ്യാനെറ്റിനും മീഡിയ വണ്ണിനും 48 മണിക്കൂർ വിലക്കെന്ന് റിപ്പോർട്ട്

വെള്ളിയാഴ്ച രാവിലെ ആയിരുന്നു അപകടം. ദുബായ് ഫിഷ് മാര്‍ക്കറ്റില്‍ നിന്നും അബുദാബിയിലേക്ക് പോകുന്ന വഴിയായിരുന്നു അപകടം. മറ്റൊരു മലയാളി മൊഹമ്മദ് അബ്ദുള്‍ ബാരിയെ പരിക്കുകളോടെ ആശുപത്രിയില്‍ പ്രവേശിപ്പിച്ചിരിക്കുകയാണ്. മൊഹമ്മദ് അബ്ദുള്‍ ബാരി ഓടിച്ചിരുന്ന കാര്‍ ട്രക്കില്‍ ഇടിച്ചായിരുന്നു അപകടമുണ്ടായത്.

അബുദാബിയിലെ ചെറുകിട സ്റ്റാളുകളില്‍‍ മത്സ്യം വിതരണം ചെയ്യലായിരുന്നു ഇയാളുടെ ജോലി. ഇതിനായി ദുബായ് ഫിഷ് മാര്‍ക്കറ്റില്‍ എത്തിയതായിരുന്നു ഇരുവരും.

Also Read : കൊറോണ։ ദുബായിൽ ക്ഷേത്രങ്ങളും ഗുരുദ്വാരകളും അടച്ചിട്ടില്ല; സുരക്ഷയ്ക്ക് തെര്‍മൽ ക്യാമറയും സാനിറ്റൈസറുകളും

നടപടിക്രമങ്ങള്‍ പൂര്‍ത്തിയാക്കി മൃതദേഹം നാട്ടിലേക്ക് എത്തിച്ച് ഖബറടക്കം നടത്തുമെന്ന് സാമൂഹിക പ്രവര്‍ത്തകരായ അഷ്റഫ് താമരശ്ശേരി, നസീര്‍ വാടാനപ്പള്ളി എന്നിവര്‍ പറഞ്ഞതായി മാധ്യമങ്ങള്‍ റിപ്പോര്‍ട്ട് ചെയ്തു. യുസഫ് ഫാത്തിമ എന്നിവരാണ് സവാദിന്റെ മാതാപിതാക്കള്‍. ഹാത്തിഫയാണ് ഭാര്യ.