'എടിഎം ബ്ലോക്ക് ചെയ്യപ്പെട്ടിരിക്കുന്നു'; ഈ മെസേജ് ലഭിച്ചാൽ എന്ത് ചെയ്യണം; മുന്നറിയിപ്പ്

അബുദാബി: 'പ്രിയ ഉപഭോക്താവേ നിങ്ങളുടെ എടിഎം ബ്ലോക്ക് ചെയ്യപ്പെട്ടിരിക്കുന്നു, അപേഡേറ്റ് ചെയ്യാൻ ആഗ്രഹിക്കുന്നെങ്കിൽ ബന്ധപ്പെടുക'. ഇത്തരമൊരു മെസേജിന് മറുപടി നൽകിയാൽ സൈബർ തട്ടിപ്പിനിരയാകുമെന്ന് ദുബായ് പോലീസിന്റെ മുന്നറിയിപ്പ്. മെസേജിന് മറുപടി നൽകിയാൽ അക്കൗണ്ടിലെ പണം നഷ്ടമാകുമെന്നു മാത്രമല്ല അക്കൗണ്ടിന്റെ നിയന്ത്രണം ഹാക്കർമാർക്ക് ഏറ്റെടുക്കാൻ കഴിയുമെന്നും പോലീസ് മുന്നറിയിപ്പ് നൽകി. അടുത്ത തവണ ബാങ്കിൽ പണമെടുക്കാൻ ചെല്ലുമ്പോഴായിരിക്കും തട്ടിപ്പിന്റെ വ്യാപ്തി മനസിലാകുകയെന്ന് പോലീസ് പറയുന്നു.


രൂപയുടെ മൂല്യം ഇടിയുന്നു; പ്രവാസികള്‍ക്ക് നിക്ഷേപാവസരം; അറിയാം അഞ്ച് കാര്യങ്ങള്‍

ബാങ്കുകൾ, സർക്കാർ സ്ഥാപനങ്ങൾ, ബിസിനസ് സ്ഥാപനങ്ങൾ, വ്യക്തികളുടെ അക്കൗണ്ടുകൾ എന്നിവയുടെ വിവരങ്ങൾ തട്ടിയെടുത്ത് പണം അപഹരിക്കുന്ന സംഭവങ്ങൾ ആവർത്തിക്കുന്നതിന്റെ പശ്ചാത്തലത്തിലാണ് മുന്നറിയിപ്പ്. പണം തട്ടുക മാത്രമല്ല ഹാക്കർമാരുടെ ലക്ഷ്യം. വ്യക്തിയുടേയോ സ്ഥാപനങ്ങളുടേയോ വിവരം ചോർത്തി മറ്റ് രാജ്യങ്ങൾക്ക് നൽകുകയാണെന്നും പോലീസ് വ്യക്തമാക്കി. ഇതിനെതിരെ ജാഗ്രത പാലിക്കണം.


മോഷണം; സൗദിയിൽ മലയാളിയുടെ കൈപ്പത്തി മുറിച്ചുമാറ്റാനുള്ള വിധി റദ്ദാക്കി

കഴിഞ്ഞ വർഷം മാത്രം ദുബായിൽ ഒരു ട്രില്ല്യൺ ഡോളറിന്റെ തട്ടിപ്പാണ് നടന്നത്. കഴിഞ്ഞ മൂന്ന് വർഷത്തിനിടെ ദുബായിൽ മാത്രം 800 കേസുകൾ റിപ്പോർട്ട് ചെയ്യപ്പെട്ടിട്ടുണ്ടെന്നാണ് കണക്ക്.

ദുബായിൽ വൈദ്യുതി എത്തിച്ച ഇന്ത്യക്കാരൻ വിടവാങ്ങി

തട്ടിപ്പിനിറങ്ങി പിടിക്കപ്പെടുന്നവരിൽനിന്നും രണ്ട് ലക്ഷം മുതൽ ഇരുപത് ലക്ഷംവരെ ദിഹം പിഴ ഈടാക്കും. കൂടാതെ നാടുകടത്തലുമാണ് ശിക്ഷ. സൈബർ കുറ്റകൃത്യങ്ങളിൽ ഏർപ്പെടുന്നവരെ പിടികൂടാൻ ദുബായ്, ഷാർജ, അബുദാബി പോലീസിന് പ്രത്യേക വിഭാഗങ്ങളുണ്ട്. പരാതിക്കാർക്ക് സൈബർ കുറ്റകൃത്യങ്ങൾക്കെതിരെ ദുബായ് പോലീസിനെ സമീപിക്കാം. വെബ്സൈറ്റ് www.ecrime.ae/ ഫോൺ 999