ദുബായില്‍ നിന്ന് കോഴിക്കോടേക്ക് പുറപ്പെടേണ്ട എയര്‍ ഇന്ത്യ വിമാനം വൈകിയത് ഒരു ദിവസം; ദുരിതത്തിലായത് 150ഓളം യാത്രക്കാർ

ദുബായ്: ദുബായിൽ നിന്ന് കോഴിക്കോടേക്ക് പുറപ്പെടേണ്ട എയർ ഇന്ത്യ വിമാനം ആണ് ഒരു ദിവസം വെെകി പുറപ്പെട്ടത്. വിമാനം വെെകി പുറപ്പെട്ടത് കൊണ്ട് നിരവധി പേർക്ക് വലിയ ബുദ്ധിമുട്ട് ആണ് ഉണ്ടാക്കിയത്. കുഞ്ഞുങ്ങളും, പ്രായമായവരും അടങ്ങുന്ന നിരവധി പേർ യാത്ര തടസ്സപ്പെട്ടതിനാൽ ദുരിതത്തിലായി. 150ഓളം യാത്രക്കാരാണ് വിമാനത്തിൽ യാത്രക്കായി എത്തിയിരുന്നത്. ചൊവ്വാഴ്ച ഉച്ചയ്ക്ക് 2.45ന് പുറപ്പെടേണ്ട എ ഐ 938 വിമാനമാണ് വെെകി യാത്രക്കാരെ ബുദ്ധിമുട്ടിച്ചത്. പിന്നീട് വിമാനം പുറപ്പെട്ടത് ബുധനാഴ്ച വൈകുന്നേരം 6.40ന് ആയിരുന്നു.

Also Read: മലയാളി നഴ്‌സ് സൗദി അറേബ്യയിലും ഭര്‍തൃപിതാവ് നാട്ടിലും മണിക്കൂറുകളുടെ വ്യത്യാസത്തില്‍ മരിച്ചു

വിമാനത്തിലെ സാങ്കേതിക തകരാറിനെ തുർന്നാണ് വിമാനം വെെകിയതെന്നാണ് കമ്പനിയിലെ അധികൃതർ നൽക്കുന്ന വിശദീകരണം. ചൊവ്വാഴ്ച ഉച്ചയോടെ വിമാന പുറപ്പെടുന്നതിന് വേണ്ടി യാത്രക്കാരെ വിമാനത്തിൽ കയറ്റിയിരുന്നു. എന്നാൽ വെെകുന്നേരം തിരിച്ച് ഇറക്കി. സന്ദർശക വിസയിൽ അല്ലാത്തവരെ രാത്രിയോടെ മറ്റൊരു താമസസ്ഥലത്തേക്ക് മാറ്റി. പിന്നീട് വിമാനം രാവിലെ പുറപ്പെടും എന്ന് അറിയിപ്പ് നൽകി. സന്ദര്‍ശക വിസക്കാരും വിസ കാലാവധി കഴിഞ്ഞവർക്കും വിമാനത്താവളത്തില്‍ തന്നെയായിരുന്നു കഴിയാൻ സാധിച്ചത്. ബാഗേജ് നേരത്തെ വിമാനത്തില്‍ കയറ്റിയിരുന്നു. അതിൽ ഡ്രസ്സ് മാറാൻ പോലും കഴിഞ്ഞില്ല.

Also Read: ദുബായ് വിമാനത്താവളത്തില്‍ വച്ച് ഇനി ഡ്രൈവിംഗ് ലൈസന്‍സ് പുതുക്കാം; സേവനവുമായി ആര്‍ടിഎ, അറിയേണ്ടതെല്ലാം

വെെകുന്നേരം പുറപ്പെടേണ്ട വിമാനം വെെകിയും പുറപ്പെടാത്തതിനാൽ യാത്രക്കാര്‍ പ്രതിഷേധവുമായെത്തുകയായിരുന്നു. എയര്‍ ഇന്ത്യ അധികൃതരില്‍ നിന്ന് ഒരു തരത്തിലുള്ള അറിയിപ്പ് ലഭിക്കാത്തതിനെ തുടർന്നാണ് ഇത്തരത്തിലൊരു പ്രതിക്ഷേധവുമായി യാത്രക്കാർ എത്തിയത്. തുടർന്ന് ബുധനാഴ്ച വൈകുന്നേരം നാല് മണിയോടെ വീണ്ടും വിമാനത്തിൽ കയറ്റി. അവിടെ നിന്നും ഒരു മണിക്കൂർ കഴിഞ്ഞാണ് വിമാനം പുറപ്പെട്ടത്. യാത്രക്കാർ ഒരു ദിവസം വലിയ ദുരിതത്തിൽ ആണ് കഴിഞ്ഞത്. പിന്നീട് ബുധനാഴ്ച വെെകുന്നേരം 6.40നാണ് വിമാനം ദുബായിൽ നിന്നും പുറപ്പെട്ടത്.