അതേസമയം, കൊവിഡ് പ്രതിസന്ധികള്ക്ക് ഇടയിലും രാജ്യത്തേക്ക് എത്തുന്നവര്ക്കായുള്ള മാര്ഗനിര്ദ്ദേശങ്ങള് പുറത്തിറക്കിയിരിക്കുകയാണ് അബുദാബി. ഈ നിര്ദ്ദേശം അനുസരിച്ച് എവിടെ കൊവിഡ്-19 പരിശോധന നടത്താം എന്നത് അടക്കമുള്ള കാര്യങ്ങള് വ്യക്തമാക്കിയിരിക്കുകയാണ്. വിശദവിവരങ്ങള് ഇങ്ങനെ,
Also Read : കൊവിഡ് കാലത്ത് ലാഭമുണ്ടാക്കിയ കുത്തക കമ്പനി ഇപ്പോൾ കൂടുതൽ ലാഭമുണ്ടാക്കുന്നു. എങ്ങനെ ?
അബുദാബിയിലേക്ക് കടക്കുന്നതിന് വേണ്ട കാര്യങ്ങള്
യുഎഇ തലസ്ഥാനമായ അബുദാബിയിലേക്ക് എത്തുന്ന ഏതൊരു വ്യക്തിക്കും കൊവിഡ്-19 നെഗറ്റീവ് പരിശോധനാ ഫലം കൈവശമുണ്ടായിരിക്കണം. ഇതിന് രണ്ട് തരം പരിശോധനാ ഫലങ്ങളാണ് അംഗീകരിക്കുന്നത്.
അതിൽ ഒന്ന് ആര്ടി-പിസിആര് ടെസ്റ്റും മറ്റൊന്ന് ലേസര് ബേസ്ഡ് ഡിപിഐ പരിശോധനയുമാണ്. പിസിആര് പരിശോധന മൂക്കിലൂടെ ശ്രവസാമ്പിള് വച്ച് നടത്തുന്ന പരിശോധനയിലൂടെയാണ് കണ്ടെത്തുന്നത്. ഡിപിഐ പരിശോധന രക്ത സാമ്പിളുകളിലൂടെയാണ് നടത്തുന്നത്.
ആറ് ദിവസത്തിന് ശേഷം വീണ്ടും പരിശോധന
മുകളിൽ പറഞ്ഞിരിക്കുന്ന രണ്ട് പരിശോധനകളും 48 മണിക്കൂറിനുള്ളില് ചെയ്തതാകണമെന്നും മന്ത്രാലയം വ്യക്തമാക്കുന്നു. അതേസമയം, ആറ് ദിവസത്തിലധികം അബുദാബിയിൽ താമസിക്കുവാൻ ഉദ്ദേശിക്കുന്നുണ്ടെങ്കില് ആറാമത്തെ ദിവസം ആര്ടി പിസിആര് ടെസ്റ്റ് ഒന്നുകൂടി നടത്തണമെന്നും നിര്ദ്ദേശിക്കുന്നു. ഇത് പ്രവാസികള്ക്ക് മാത്രമല്ല എല്ലാവര്ക്കും ബാധകമാണ്. സ്വദേശികള് എമിറേറ്റിന് പുറത്തുപോയി തിരികെ എത്തിയാലും ഇതേ പരിശോധനകള് പാലിക്കേണ്ടതാണ്.
പരിശോധനയിൽ നിന്നും ഒഴിവാക്കുന്നവര്
പ്രവാസികളും സ്വദേശികളും അടക്കം ഭരണകൂടം നിര്ദ്ദേശിച്ചിരിക്കുന്ന മാനദണ്ഡങ്ങള്ക്ക് വിധേയരാണെങ്കിലും ചിലര് ഇതിൽ നിന്നും ഒഴിവാക്കപ്പെടുന്നുണ്ട്. കൊവിഡ്-19 വാക്സിന് പരീക്ഷണത്തിന് സന്നദ്ധരാകുന്നവരെ പരിശോധനയിൽ നിന്നും ഒഴിവാക്കിയിട്ടുണ്ട്. ഇവരുടെ യാത്ര സുഗമമാക്കുന്നതിന് പ്രത്യേക വാഹന സൗകര്യങ്ങളും ഏര്പ്പെടുത്തിയിട്ടുണ്ട്.
പിസിആര് ടെസ്റ്റ് എവിടെയെല്ലാം നടത്താം
പിസിആര് പരിശോധനയുടെ ചെലവും അപ്പോയിന്റ്മെന്റായി ബുക്ക് ചെയ്യേണ്ട ആവശ്യകതയും, നിങ്ങൾ സന്ദർശിക്കുന്ന ടെസ്റ്റിംഗ് സെന്ററിനെയും അത് പ്രവർത്തിക്കുന്ന ആരോഗ്യ അതോറിറ്റിയെയും ആശ്രയിച്ചാണ് എവിടെയെല്ലാം പരിശോധിക്കാമെന്ന് മനസ്സിലാക്കുന്നത്.
Also Read : 'ആ അലാവുദ്ദീൻ ഈ അലാവുദ്ദീനാണ്' സ്വപ്ന സുരേഷിന്റെ മൊഴിയിൽ വിശദീകരണവുമായി കെ.ടി.ജലീൽ
പരിശോധിക്കുന്ന സ്ഥലങ്ങള്
ഇതിൽ മിനിസ്ട്രി ഓഫ് ഹെൽത്ത് ആന്റ് പ്രിവൻഷനിൽ പരിശോധനയ്ക്ക് പണം ഈഡാക്കുന്നില്ലെന്നാണ് ഗള്ഫ് മാധ്യമങ്ങള് റിപ്പോര്ട്ട് ചെയ്യുന്നത്. അവരെ ബന്ധപ്പെടേണ്ട നമ്പര് 800 11111 എന്നാണ്. ദുബായ് ഹെല്ത്ത് അതോറിറ്റിയിൽ പരിശോധനയ്ക്ക് 150 ദിര്ഹമാണ് ഈടാക്കുന്നത്. ഫോണ് നമ്പര് 800 342, സെഹ അബുദാബി ഹെല്ത്ത് സർവീസ് കമ്പനി 250 ദിര്ഹമാണ് പരിശോധനയ്ക്ക് വിധേയമാക്കിയിരിക്കുന്നത്. ഫോണ് നമ്പര് 800 1717.
ദുബായിൽ പരിശോധിക്കുന്ന സ്ഥലങ്ങള്
ദുബായിൽ ആര്ടി പിസിആര് പരിശോധന നടത്തുന്ന സ്ഥലങ്ങള് എന്നത് ഇവയാണ്. അല് അഹലി ക്ലബ്, അല് നാസര് ക്ലബ് - ഔഡ് മെത്ത, ഹമറിയ, മജിലിസ് അല് റഷീദിയ, മജിലിസ് അല് ജുമേറിയ, മാൾ ഓഫ് എമിറേറ്റ്സ്, മിര്ഡിഫ് സിറ്റി സെന്റർ, ദെയിറ സിറ്റി സെന്റര്, സിറ്റി വോക്ക് (സെഹാ സ്ക്രീനിങ്ങ് സെന്റര്) ഇവിടെയാണ് പരിശോധനകള് നടത്താവുന്നത്.
അതിന് പുറമെ ചില ദുബായ് ഹെല്ത്ത് അതോറിറ്റിയുടെ (ഡിഎച്എ) പബ്ലിക് ഹെൽത്ത് സെന്ററുകളിലും പിസിആര് പരിശോധനകള് നടത്തിയിരുന്നു. ഡിഎച്എയുമായി ബന്ധപ്പെട്ടാ വിശദവിവരങ്ങള് അറിയുവാനും സാധിക്കും അതിനായി ഒരു നമ്പറും അധികൃതര് പുറത്തുവിട്ടിട്ടുണ്ട്. 800 342 എന്ന നമ്പരിലാണ് ബന്ധപ്പെടേണ്ടത്.
അബുദാബിയിൽ പരിശോധിക്കുന്ന കേന്ദ്രങ്ങള്
എമിറേറ്റിന്റെ അകത്തും കൊവിഡ് ആര്ടി പിസിആര് പരിശോധനയ്ക്കായി വിവിധ സൗകര്യങ്ങള് ഒരുക്കിയിട്ടുണ്ട്. സയിദ് സ്പോര്ട്സ് സിറ്റി, അല് വതബാ സ്ക്രീനിങ്ങ് സെന്റര്, അല് ബാഹിയ സ്ക്രീനിങ്ങ് സെന്റര്, അല് ഷാംഖ സ്ക്രീനിങ്ങ് സെന്റര്, അബു ദാബി ക്രോണിഷ്, അൽ അയ്ൻ - ആഷർജി സ്ക്രീനിങ്ങ് സെന്റര്, അല് ദഫ്ര - മദിനാ സയിദ്, അല് ദഫ്ര - ഗയാതി, അല് ദഫ്ര - അല് മിഫ്ര, അല് ദഫ്ര - അല് സില്ല, അല് ദഫ്ര - ലിവ, അല് ദഫ്ര - ഡെൽമ എന്നിവിടങ്ങളിലാണ് പരിശോധന നടത്തുവാന് സൗകര്യമുള്ളത്.
ഷാർജയിൽ പരിശോധിക്കുന്ന കേന്ദ്രങ്ങള്
ഷാർജയിൽ കൊവിഡ് ആര്ടി പിസിആര് പരിശോധിക്കുന്ന കേന്ദ്രങ്ങള് ഇവയാണ്. ഗോള്ഫ് ആന്റ് ഷൂട്ടിങ് ക്ലബ്, അൽ സാജാ ഷോപ്പിങ് സെന്റര്, അല് ഖാര്ബ് പോലീസ് സ്റ്റേഷനും ആഫ്രിക്ക് ഹോളിനും സമീപമുള്ള അല് ഖ്വാസിമയിലെ ഒരു ടെന്റ്, വാസിത് ഹെല്ത്ത് സെന്റര്, ഷാര്ജ ഹെല്ത്ത് സെന്റര്, അല്, ദയിദ് ഹെല്ത്ത് സെന്റര്, അല് ഖ്വാസീമി ആശുപത്രി, കുവൈറ്റ് ആശുപത്രി എന്നിവിടങ്ങളിലും പരിശോധന നടത്തും.
ഡിപിഐ പരിശോധന
കൊവിഡ് പരിശോധിക്കുന്നതിന് ഡിപിഐ ടെസ്റ്റും അബുദാബി അംഗീകരിക്കുന്നുണ്ട്. 50 ദിര്ഹമാണ് അതിന് ഈടാക്കുന്നത്. അബുദാബിയിൽ സയിദ് സ്പോര്ട് സിറ്റി, അബുദാബി കോര്ണിഷെ, ഖാൻടൂട്ടിലെ ലേസര് സ്ക്രീനിങ്ങ് സെന്റര് എന്നിവിടങ്ങളിലും
ദുബായിലെ പോര്ട്ട് റാഷിദ്, അല് ഖ്വനീജ് എന്നിവിടങ്ങളിലും പരിശോധന നടത്തുന്നുണ്ട്. ഷാര്ജയിൽ ഷാര്ജ ഗോള്ഫ് ആന്റ് ഷൂട്ടിങ് ക്ലബിലും അജ്മാനിൽ എമിറേറ്റ്സ് ഹോസ്പിറ്റാലിറ്റി സെന്ററിലും റാസൽ ഖയ്മയിൽ നാഷണൽ സ്ക്രീനിങ്ങ് സെന്ററിന് സമീപം ദഫാൻ അൽ ഘോറിൽ ഫുജിറയിൽ ഫുജെയിറ സെന്ററിലും അല് അയിനിൽ അല് ഹിലി വെഡിങ്ങ് ഹാളിലും പരിശോധനയ്ക്ക് സൗകര്യമുണ്ട്.