വ്യാജ റിക്രൂട്ട്മെന്റ് വീണ്ടും: ഓൺലൈൻ പരസ്യത്തിനെതിരെ ഇന്ത്യൻ എംബസി

കുവൈത്ത് സിറ്റി: കുവൈത്തിലേക്ക് നഴ്സിങ് റിക്രൂട്ട്മെന്റ് തട്ടിപ്പുമായി വ്യാജ ഏജൻസികൾ വീണ്ടും രംഗത്ത്. കുവൈത്ത് ആരോഗ്യ മന്ത്രാലയത്തിലേക്ക് നവംബർ രണ്ടാം വാരം ബെംഗളുരുവിൽവെച്ച് അഭിമുഖം നടക്കുമെന്നാണ് പ്രചരിക്കുന്നത്.

ഡൽഹി ആസ്ഥാനമാക്കിയുള്ള സിഎ ഇന്റർനാഷ്ണൽ എന്ന ഏജൻസിയുടെ പേരിലാണ് വ്യാജ റിക്രൂട്ട്മെന്റ് പരസ്യം നൽകിയിരിക്കുന്നത്. പരസ്യം വ്യാജമാണെന്നും കുവൈത്ത് ആരോഗ്യ മന്ത്രാലയത്തിലേക്ക് ഇന്ത്യൻ നഴ്സുമാരെ റിക്രൂട്ട് ചെയ്യുന്നകാര്യത്തിൽ തീരുമാനമായിട്ടില്ലെന്നും ഇന്ത്യൻ എംബസി വ്യക്തമാക്കി.

വീട്ടുനമ്പറുള്ള ലോട്ടറിയെടുത്തു; ഇന്ത്യക്കാരിക്ക് ഏഴു കോടി സമ്മാനം

ഇന്ത്യയിൽനിന്നുള്ള എത്ര നഴ്സുമാരെ ആവശ്യം വരുമെന്ന് അടുത്തയിടെ ഇന്ത്യൻ എംബസി കുവൈത്ത് ആരോഗ്യ മന്ത്രാലയത്തോട് ആരാഞ്ഞിരുന്നു. എന്നാൽ ഇതുസംബന്ധിച്ച് ആരോഗ്യ മന്ത്രാലയം ഇതുവരെ മറുപടി നൽകിയിട്ടില്ല. ഇന്ത്യയിൽനിന്നും കേന്ദ്രസർക്കാരിന്റെ അംഗീകൃത ഏജൻസികൾ വഴി നഴ്സസ് റിക്രൂട്ട്മെന്റ് സാധ്യമാക്കുന്നതിന് ആരോഗ്യ മന്ത്രാലയവുമായി നിരന്തരം ബന്ധപ്പെട്ടെങ്കിലും ഇക്കാര്യത്തിലും തീരുമാനമായിട്ടില്ല.

ഒമാൻ റിയാലിന്റെ വിനിമയ നിരക്ക് 185 രൂപ കടന്നു

ഏറ്റവും ഒടുവിൽ റിക്രൂട്ട് ചെയ്യപ്പെട്ട 80 നഴ്സുമാർ രണ്ട് വർഷത്തോളം തൊഴിൽ ലഭിക്കാതെ അലയേണ്ട സാഹചര്യം ഉണ്ടായിരുന്നു. എംബസി ഇടപെട്ടശേഷമാണ് ഇക്കാര്യത്തിൽ പരിഹാരം ഉണ്ടായത്. റിക്രൂട്ട്മെന്റ് തട്ടിപ്പ് തടയുന്നതിനായി എംബസി നടപടികൾ സ്വീകരിക്കുന്നുണ്ട്.