സൗദി ജുബൈൽ തീപിടുത്തം; മലയാളികളടക്കം 12 മരണം

ജിദ്ദ:സൗദിയിൽ പെട്രോ കെമിക്കല്‍ കമ്പനിയിലുണ്ടായ തീപിടിത്തത്തിൽ അഞ്ചു മലയാളികളടക്കം 12 മരണം. ​തൊടുപുഴ സ്വദേശി വിന്‍സന്റ്, കോട്ടയം സ്വദേശികളായ ബെന്നി വര്‍ഗീസ്, ഡാനിയല്‍ എന്നിവരാണ് മരിച്ചത്. കൂടാതെ, അഞ്ചു കര്‍ണ്ണാടക സ്വദേശികളും മരിച്ചതായാണ് വിവരം. ബാക്കി രണ്ടു പേര്‍ ഫിലിപ്പൈന്‍ സ്വദേശികളാണ്. മാംഗ്ലൂർ സ്വദേശികളുടെ ഉടമസ്ഥതിയിലുള്ള പ്ലാന്‍ടെക് കമ്പനിയാണ് കരാർ ഏറ്റെടുത്ത് നടത്തുന്നത്. സൗദി പ്രാദേശിക സമയം 11.40ഓടെയാണ് അപകടമുണ്ടായത്. ​തീപിടുത്തത്തില്‍ മരിച്ചവരില്‍ . ഇവരില്‍ മൂന്നു മലയാളികളെ തിരിച്ചറിഞ്ഞു.

തീപിടുത്തത്തില്‍ 11 പേര്‍ക്ക് പരുക്കുകളേറ്റതായി റിപ്പോ‍ർട്ടുണ്ട്. ആറ് പേരുടെ നില ഗുരുതരമാണ്. പരുക്കേറ്റവരില്‍ ഏഴ് പേര്‍ ഇന്ത്യാക്കാരാണ്‌. സൗദിയിലെ ജുബൈല്‍ യുണൈറ്റഡ് പെട്രോകെമിക്കല്‍ കമ്പനിയിലാണ് തീപിടുത്തം ഉണ്ടായത്.