ഇറച്ചിയിൽ നിന്ന് ഭക്ഷ്യവിഷബാധ; ന്യൂസിലൻഡിൽ മലയാളികൾ അബോധാവസ്ഥയിൽ
കാട്ടുപന്നിയുടെ മാംസം കഴിച്ച മലയാളികൾ അബോധാവസ്ഥയിൽ.
TNN 16 Nov 2017, 5:32 pm
വെല്ലിംഗ്ടണ്: കാട്ടുപന്നിയുടെ മാംസം കഴിച്ച മലയാളികൾ അബോധാവസ്ഥയിൽ. ന്യൂസിലാൻഡിലാണ് സംഭവം. ഷിബു കൊച്ചുമ്മൻ, മാതാവ് ഏലിക്കുട്ടി ഡാനിയേൽ, ഭാര്യ സുബി ബാബു എന്നിവരാണ് ചികിൽസയിൽ കഴിയുന്നത്. സ്ഥിതി ഗുരുതരമാണെന്നാണ് റിപ്പോർട്ടുകൾ.
ഇറച്ചിയിൽ നിന്ന് ഭക്ഷ്യവിഷബാധയേറ്റതാണ് അബോധാവസ്ഥയിൽ ആകാൻ കാരണം. ഇവർ കഴിച്ച ഇറച്ചി പരിശോധനയ്ക്കായി അയച്ചിരിക്കുകയാണ്. പരിശോധനാഫലം ശനിയാഴ്ചയോടെ ലഭിക്കും.
ഏഴു വയസും ഒരു വയസും പ്രായമുള്ള കുട്ടികൾ ഇറച്ചി കഴിച്ചിരുന്നില്ല. അതിനാൽ ഇവർക്ക് ആരോഗ്യപ്രശ്നങ്ങളില്ല.
ഭക്ഷണത്തിനൊപ്പം ഇറച്ചി പാകം ചെയ്ത് കഴിച്ച ഇവർക്ക് അസ്വസ്ഥതകൾ ഉണ്ടാകുകയായിരുന്നു എന്ന് ഷിബുവിന്റെ സുഹൃത്തുമായ ജോജി വർഗീസ് പറഞ്ഞു. കുട്ടികൾ മേഖലയിലെ മലയാളി സമൂഹത്തിൻ്റെ സംരക്ഷണയിലാണ് ഇപ്പോൾ ഉള്ളത്.
(ചിത്രത്തിന് കടപ്പാട് - ദീപിക)