ഞങ്ങള്‍ നിങ്ങളോടൊപ്പമുണ്ട്; കൊവിഡ് പ്രതിസന്ധിയില്‍ ഇന്ത്യന്‍ ജനതയ്ക്ക് ഐക്യദാര്‍ഢ്യവുമായി ഫ്രഞ്ച് പ്രസിഡന്‍റ്

പാരിസ്: കൊവിഡ് കേസുകള്‍ വര്‍ദ്ധനവ് അഭിമുഖീകരിക്കുന്ന ഇന്ത്യന്‍ ജനതയ്ക്ക് ഐക്യദാര്‍ഢ്യം അറിയിച്ച് ഫ്രഞ്ച് പ്രസിഡന്റ് ഇമ്മാനുവല്‍ മാക്രോണ്‍. ആരെയും ഒഴിവാക്കാതെ ഈ പോരാട്ടത്തില്‍ ഫ്രാന്‍സ് നിങ്ങളോടൊപ്പമുണ്ടെന്ന് ഫ്രഞ്ച് പ്രസിഡന്റ് പറഞ്ഞു. വാര്‍ത്താ ഏജന്‍സിയായ എഎന്‍ഐയാണ് ഇക്കാര്യം ട്വീറ്റ് ചെയ്തത്.

Also Read: വീണ്ടും വിമാന വിലക്ക്; പ്രതിസന്ധിയിലായി പ്രവാസികള്‍


'കൊവിഡ് കേസുകള്‍ വര്‍ദ്ധനവ് അഭിമുഖീകരിക്കുന്ന ഇന്ത്യന്‍ ജനതയ്ക്ക് ഐക്യദാര്‍ഢ്യം അറിയിക്കുന്നു. ആരെയും ഒഴിവാക്കതെ ഈ പോരാട്ടത്തില്‍ ഫ്രാന്‍സ് നിങ്ങളോടൊപ്പമുണ്ട്. എല്ലാ പിന്തുണയും നല്‍കാന്‍ ഞങ്ങളുണ്ട്', ഫ്രഞ്ച് പ്രസിഡന്റ് ഇമ്മാനുവല്‍ മാക്രോണിന്റെ വാക്കുകള്‍.

Also Read: 3.32 ലക്ഷം കടന്ന് പ്രതിദിന കൊവിഡ് കേസുകൾ; ആശങ്ക ഉയർത്തി മരണസംഖ്യ ഉയരുന്നു

ഇന്ത്യയില്‍ കഴിഞ്ഞ 24 മണിക്കൂറിനിടെ 3,32,730 കൊവിഡ് കേസുകളാണ് സ്ഥിരീകരിച്ചത്. ഇതോടെ ആകെ കൊവിഡ് ബാധിതരുടെ എണ്ണം 1,62,63,695 ആയി ഉയര്‍ന്നു. 24,28,616 ആക്ടീവ് കൊവിഡ് കേസുകളാണ് നിലവില്‍ രാജ്യത്തുള്ളത് 1,36,48,159 പേര്‍ക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി. കഴിഞ്ഞദിവസം 1,93,279 പേരാണ് രോഗം ഭേദമായി ആശുപത്രി വിട്ടത്. വാക്‌സിന്‍ സ്വീകരിച്ചവരുടെ എണ്ണം 13,54,78,420 ആയി.