ഗൾഫാർ മുഹമ്മദാലി ജയിൽമോചിതനായി

പ്രവാസി വ്യവസായി ഗള്‍ഫാര്‍ മുഹമ്മദാലി ജയില്‍മോചിതനായി. കൈക്കൂലിക്കേസില്‍ ഒമാനില്‍ തടവുശിക്ഷയ്ക്കു വിധിക്കപ്പെട്ടിരുന്ന പ്രവാസി വ്യവസായി ഗള്‍ഫാര്‍ മുഹമ്മദാലി ജയില്‍മോചിതനായി. റംസാനോടനുബന്ധിച്ചുള്ള പൊതുമാപ്പിന്റെ ഭാഗമായാണു മോചനം.

രാജ്യത്തെ പെട്രോളിയം ഉല്പന്നങ്ങളുടെ നിര്‍മാണ വിപണന പ്രോജക്ടിന്റെ കരാര്‍ ലഭിക്കാന്‍ അധികൃതര്‍ക്ക് വന്‍തുക കൈക്കൂലി നല്‍കിയെന്ന കേസില്‍ 15 വര്‍ഷത്തെ തടവിനായിരുന്നു ഗള്‍ഫാര്‍ മുഹമ്മദാലിയെ മസ്‌കറ്റ് ക്രിമിനല്‍ കോടതി ശിക്ഷിച്ചത്.

തടവിനൊപ്പം 1.7 മില്യണ്‍ ഒമാന്‍ റിയാല്‍ (27 കോടി രൂപ) പിഴയടയ്ക്കാനും കോടതി ഉത്തരവിട്ടിരുന്നു. മൂന്നു വര്‍ഷത്തിനു ശേഷമാണ് ഇപ്പോള്‍ പൊതുമാപ്പിലൂടെ പുറത്തിറങ്ങുന്നത്. ഗള്‍ഫാര്‍ ഗ്രൂപ്പ് മുന്‍ എംഡിയാണു മുഹമ്മദാലി.