സൗദി തൊഴിൽ പ്രശ്നം; നടപടികൾ തുടങ്ങിയെന്ന് പിണറായി

തിരുവനന്തപുരം: സൗദി അറേബ്യയില്‍ കുടുങ്ങിക്കിടക്കുന്ന 300 മലയാളികളെ തിരികെ കൊണ്ടുവരാനുള്ള നടപടികള്‍ ആരംഭിച്ചതായി മുഖ്യമന്ത്രി പിണറായി വിജയന്‍. 700 പേര്‍ കുടുങ്ങിക്കിടക്കുന്നുവെന്ന വാര്‍ത്തകള്‍ തെറ്റാണെന്നും മുഖ്യമന്ത്രി പറഞ്ഞു.

കൈവശം പാസ്‌പോര്‍ട്ടുള്ളവരെയകും ആദ്യഘട്ടത്തില്‍ നാട്ടിലെത്തിക്കുക. തൊഴിലാളികളുടെ വിവരശേഖരണം ഇന്ത്യന്‍ എംബസിയും ജിദ്ദ കോണ്‍സുലേറ്റും ആരംഭിച്ചു. പാസ്‌പോര്‍ട്ട് വിവങ്ങള്‍, ഇഖാമ, മൊബൈല്‍ നമ്പര്‍, ശമ്പള കുടിശ്ശികയുടെ വിശദാംശങ്ങള്‍ എന്നിവയാണ് ശേഖരിക്കുന്നത്. നിരവധി പേരുടെ ഇഖാമ കാലാവധി അവസാനിച്ചു. പലരുടെയും പാസ്‌പോര്‍ട്ട് കമ്പനിയുടെ കൈവശമാണ്.