രൂപ തകർന്നു: ഗൾഫ് പ്രവാസികൾക്ക് നേട്ടം

റിയാദ്: മികച്ച വിനിമയ നിരക്കാണ് ഗള്‍ഫ് കറന്‍സികള്‍. പത്തു വര്‍ഷത്തിനിടയിലെ ഏറ്റവും കൂടിയ മൂല്യമാണ് ഇന്ന് സൗദി റിയാലിന് രേഖപ്പെടുത്തിയത്. യുഎഇ ദിര്‍ഹത്തിനും മികച്ച വിനിമയ നിരക്കാണ് ലഭിക്കുന്നത്.രൂപയുടെ മൂല്യം കുറഞ്ഞതോടെ സൗദിയിലെ പ്രവാസികള്‍ ഇന്ത്യയിലേക്ക് അയക്കുന്ന പണത്തിലും വര്‍ധനവ് രേഖപ്പെടുത്തി.

ഇന്ത്യന്‍ രൂപയുടെ മൂല്യം റെക്കോര്‍ഡ് നിലാവരത്തിലേക്ക് താഴ്ന്നപ്പോള്‍ മികച്ച വിനിമയ നിരക്കാണ് ഗള്‍ഫ് കറന്‍സികള്‍ക്ക് ലഭിച്ചത്. യുഎഇ ദിര്‍ഹത്തിന് പതിനെട്ട് രൂപ അറുപത്തിയഞ്ച് പൈസ വരെ ഇന്ന് നിരക്ക് ഉയര്‍ന്നു. ഖത്തര്‍ റിയാലിന് പതിനെട്ട് രൂപ എണ്‍പ്പത്തിയഞ്ച് പൈസ വരെയും ഇന്ന് വില ലഭിച്ചു.ഒരു കുവൈത്ത് ദിനാറിന് ഇരുനൂറ്റി ഇരുപത്തിയഞ്ച് രൂപയും ഇന്ന് രേഖപ്പെടുത്തി. ഒമാന്‍ റിയാലിന് ഇന്ന് നൂറ്റിയെഴുപത്തിയെട്ട് രൂപ എഴുപത് പൈസവരെയും ലഭിച്ചു.