അഗ്നിബാധയില്‍ നിന്നും ഭാര്യയെ രക്ഷിക്കാന്‍ ശ്രമിച്ച് ഗുരുതര പൊള്ളലേറ്റ മലയാളി മരിച്ചു

അബുദാബി: വീട്ടിലുണ്ടായ അഗ്നിബാധയില്‍ നിന്നും ഭാര്യയെ രക്ഷിക്കാന്‍ ശ്രമിക്കുന്നതിനിടെ ഗുരുതരമായി പൊള്ളലേറ്റ് ചികിത്സയിലായിരുന്ന മലയാളി മരിച്ചു. 32കാരനായ അനില്‍ നൈനാന്‍ ആണ് മരിച്ചത്.

Also Read : തീപടരുന്നതിനിടെ ഭാര്യയെ രക്ഷിക്കാന്‍ ശ്രമിച്ച മലയാളി യുവാവിന് ഗുരുതര പൊള്ളല്‍

കഴിഞ്ഞ തിങ്കളാഴ്ചയായിരുന്നു സംഭവമുണ്ടാകുന്നത്. അബുദാബിയിലെ ഉം അല്‍ ഖുവാനിലെ ഒരു അപ്പാര്‍ട്ടുമെന്റിലാണ് കുടുംബം താമസിച്ചിരുന്നത്. ഷോര്‍ട്ട് സര്‍ക്യൂട്ട് കാരണം അഗ്നി ബാധയുണ്ടാകുകയായിരുന്നു. വരാന്തയില്‍ നിന്നിരുന്ന ഭാര്യ നീനുവിന്റെ ശരീരത്തിലേക്കാണ് ആദ്യം അഗ്നി പടരുന്നത്. ഇലക്ട്രിക് ബോക്സില്‍ നിന്നും ഷോര്‍ട്ട് സർക്യൂട്ട് വഴിയാണ് അഗ്നിബാധയുണ്ടായത് എന്നാണ് റിപ്പോര്‍ട്ട്.

Also Read : ഡൽഹി ജനതയ്‌ക്ക് സൗജന്യങ്ങൾ നൽകുന്നത് എന്തിന് ?; മറുപടിയുമായി കെജ്രിവാൾ

നീനുവിന്റെ കരച്ചില്‍ കേട്ട് ബെഡ്റൂമില്‍ ഇരിക്കുുകയായിരുന്ന അനില്‍ ഓടി വരികയായിരുന്നു. ഭാര്യയുടെ ശരീരത്തിലെ തീ അണയ്ക്കാന്‍ ശ്രമിക്കുന്നതിനിടെ ഇയാളുടെ ശരീരത്തിലേക്കും അഗ്നി പടരുകയായിരുന്നു. തുടര്‍ന്ന് ഇരുവരേയും ഉം അല്‍ ഖുവൈന്‍ ഷെയ്ഖ് ഖലീഫ ജനറല്‍ ആശുപത്രിയിലും പിന്നീട്, അബുദാബി മഫ്റഖ് ആശുപത്രിയിലേക്ക് മാറ്റുകയും ചെയ്തു. ദമ്പതികള്‍ക്ക് നാല് വയസ്സുള്ള ഒരു കുട്ടിയുമുണ്ട്.

പൊള്ളലേറ്റ് ചികിത്സയില്‍ കഴിയുകയായിരുന്ന നീനുവിന്റെ ആരോഗ്യനില ഭേദപ്പട്ടു വരികയാണ്. 10 ശതമാനം മാത്രമാണ് പൊള്ളലേറ്റിരിക്കുന്നത്.