ടെക്‌സാസില്‍ സൂര്യാഘാതമേറ്റ് 34 പേര്‍ ആശുപത്രിയില്‍

ഡാലസ്: അമേരിക്കയിലെ ഡാലസിൽ കടുത്ത് സൂര്യാഘാതമേറ്റതിനെത്തുടര്‍ന്ന് 34 പേരെ വിവിധ ആശുപത്രികളില്‍ ചികിത്സയ്ക്കായി പ്രവേശിപ്പിച്ചു. ഡാലസ് ഫോര്‍ട്ട്‌വര്‍ത്ത് ടറന്റ് കൗണ്ടി തുടങ്ങിയ പ്രദേശങ്ങളില്‍ നിന്നുമാണ് ആളുകളെ ആശുപത്രിയിൽ പ്രവേശിപ്പിച്ചത്.

സാധാരണയില്‍ കവിഞ്ഞ ചൂടാണ് ഇവിടെ അനുഭവപ്പെടുന്നത്. സൂര്യാഘാതത്തെ അതിജീവിക്കുവാന്‍ കൂടുതല്‍ പാനീയങ്ങള്‍ കഴിക്കണമെന്നും തുറസ്സായ സ്ഥലങ്ങളില്‍ കൂടുതല്‍ സമയം ചിലവഴിക്കരുതെന്നും മുന്നറിയിപ്പു നല്‍കിയിട്ടുണ്ട്. സൂര്യാഘാതമേറ്റാല്‍ മരണം വരെ സംഭവിക്കുമെന്നും ഉച്ചമുതല്‍ വൈകീട്ട് വരെ പുറത്തിറങ്ങി നടക്കരുതെന്നും അധികൃതര്‍ മുന്നറിയിപ്പ് നല്‍കുന്നു