ദുബായ്: കനത്ത മഴയെ തുടര്ന്ന് ദുബായ് അന്താരാഷ്ട്ര വിമാനത്താവളത്തില് നിന്നുള്ള വിമാന സര്വീസുകള് വൈകുന്നു. ശനിയാഴ്ചത്തെ ചില സര്വീസുകള് റദ്ദാക്കിയതായും ദുബായ് വിമാനത്താവള അധികൃതര് അറിയിച്ചു.
ശനിയാഴ്ച ദുബായ് വിമാനത്താവളത്തില് നിന്നുള്ള എല്ലാ വിമാന സര്വീസുകളും വൈകുകയോ റദ്ദാക്കുകയോ ചെയ്തിട്ടുണ്ട്. ചില സര്വീസുകള് സമീപത്തെ അല് മക്തൂം വിമാനത്താവളത്തിലേക്ക് മാറ്റിയിട്ടുണ്ടെന്നും സര്ക്കാര് നിയന്ത്രണത്തിലുള്ള ദുബായ് വിമാനത്താള അധികൃതര് ട്വിറ്ററിലൂടെ അറിയിച്ചു.
Also Read വിദ്യാഭ്യാസം പൂനെയില്; വിട പറഞ്ഞത് ഇന്ത്യക്ക് പ്രിയപ്പെട്ട ഒമാന് സുല്ത്താന്
കനത്ത മഴയില് വിമാനത്താവളത്തില് വെള്ളം കയറിയതിന്റെ ദൃശ്യങ്ങളും ട്വിറ്ററില് പോസ്റ്റ് ചെയ്തിട്ടുണ്ട്. റണ്വേയുടെ പല ഭാഗങ്ങളും വെള്ളത്തിലായതായി ദൃശ്യങ്ങളില് കാണാം. ദുബായില് നിന്നുള്ളതും ദുബായിലേക്കുള്ളതുമായ നിരവധി വിമാനങ്ങളാണ് വൈകുകയോ റദ്ദാക്കുകയോ ചെയ്തത്.
യുഎഇയില് പരക്കെ ശനിയാഴ്ച രാവിലെ മുതല് കനത്ത മഴയാണ്. ദിവസം മുഴുവന് മഴ തുടരുമെന്നാണ് കാലാവസ്ഥാ വിഭാഗം മുന്നറിയിപ്പ് നല്കിയിരുന്നത്. രാത്രിയോടെ മഴ കുറയുമെന്നാണ് പ്രതീക്ഷിക്കുന്നത്.
Also Read ഒമാന് സുല്ത്താന്: മലയാളി വൈദികനെ ഐഎസ് ഭീകരരില് നിന്ന് രക്ഷിച്ച നയതന്ത്ര ഇടപെടല്
അബുദാബി, ഷാര്ജ, ദുബായ്, അജ്മന്, റാസല്ഖൈമ, ഫുജൈന, ഉംഅല് ഖുവൈന് തുടങ്ങിയ സ്ഥലങ്ങളില്ലെലാം ശക്തമായ മഴയാണ്. പലയിടത്തും റോഡുകളില് ഉള്പ്പെടെ വെള്ളം കയറിയിട്ടുണ്ട്.