ദുബായ് മനുഷ്യക്കടത്ത്; മൂന്ന് പ്രതികള്‍ക്ക് 10 വര്‍ഷം തടവ്

എറണാകുളം: ദുബായ് മനുഷ്യ കടത്തു കേസിലെ ഒന്ന് മുതല്‍ ഏഴ് വരെ പ്രതികള്‍ കുറ്റക്കാരെന്ന് എറണാകുളം സിബിഐ പ്രത്യേക കോടതി. ഈ കേസുമായി ബന്ധപ്പെട്ട് 16 പ്രതികളാണ് ഉണ്ടായിരുന്നത്. അതില്‍ 13ഉം 14ഉം പ്രതികളെ മാപ്പു സാക്ഷികളാക്കി. അതേസമയം 16ാം പ്രതി താസിറയെ ഇതുവരെ സി ബി െഎക്ക് പിടികൂടാന്‍ സാധിച്ചിട്ടില്ല.

ഒന്നുമുതല്‍ മൂന്നു വരെയും ഏഴാം പ്രതിയുമായ കെ.വി. സുരേഷ്, ലിസി സോജാന്‍, സേതു ലാല്‍, മനീഷ് എന്നിവര്‍ക്ക് 10 വര്‍ഷം തടവും രണ്ട് ലക്ഷം പിഴയും കോടതി ശിക്ഷ വിധിച്ചു. നാല് മുതല്‍ ആറ് വരെയുള്ള പ്രതികളായ അനില്‍ കുമാര്‍, ബിന്ദു, ശാന്ത എന്നിവര്‍ക്ക് ഏഴ് വര്‍ഷം തടവും 52000 രൂപ പിഴയും വിധിച്ചു. എന്നാല്‍ കേസിലെ ആറ് പ്രതികളെ കോടതി വെറുതെ വിട്ടു. ഒന്നാം പ്രതി സുരേഷിന്‍റെ നേതൃത്വത്തില്‍ എട്ട് യുവതികളെ ദുബായിലെ അനാശാസ്യ കേന്ദ്രത്തില്‍ എത്തിച്ച്‌ വാണിഭം നടത്തിയെന്നാണ് സിബി എെ കണ്ടെത്തിയിരിക്കുന്ന കേസ്.