ഖത്തറിലേക്കുള്ള പ്രത്യേക വിമാന സർവീസുകൾ; പുതിയ അറിയിപ്പുമായി ഇന്ത്യന്‍ എംബസി

ദോഹ: കൊവിഡ്-19 നിയന്ത്രണങ്ങൾ തുടരുന്നതിനിടെ ഇന്ത്യക്കും ഖത്തറിനും ഇടയിലുള്ള പ്രത്യേക വിമാന സർവീസുകൾ ഡിസംബർ 31വരെ തുടരാൻ തീരുമാനമായി. ഖത്തറിലെ ഇന്ത്യൻ എംബസിയാണ് ഇക്കാര്യം വ്യക്തമാക്കിയത്.

Also Read: പ്രവാസികൾക്ക് അപ്രതീക്ഷിത തിരിച്ചടി; യാത്ര വിലക്ക് കൂടുതൽ രാജ്യങ്ങൾക്ക്? പട്ടിക വിപുലീകരിക്കാൻ കുവൈറ്റ്

വിമാന സർവീസുകൾ തുടരുന്ന കാര്യത്തിൽ ഇന്ത്യയിലെയും ഖത്തറിലെയും സിവിൽ ഏവിയേഷൻ അതോറിറ്റികൾ ധാരണയായ സാഹചര്യത്തിലാണ് ഡിസംബർ 31വരെ സർവീസുകൾ നീട്ടാൻ തീരുമാനമായത്. മലയാളികൾ അടക്കമുള്ള പ്രവാസികൾക്ക് നേട്ടമാകുന്നതാണ് ഈ തീരുമാനം.

ഇന്ത്യക്കും ഖത്തറിനും ഇടയിലുള്ള യാത്ര സംവിധാനങ്ങൾ തുടരുമെന്ന എംബസി ട്വീറ്റ് ചെയ്‌തു. വിമാന സർവീസുകളുടെ കാര്യത്തിൽ രാജ്യങ്ങൾ തമ്മിൽ ധാരണയായതോടെ ഖത്തര്‍ എയര്‍വേയ്‌സിനും ഇന്ത്യയിലെ വിമാനക്കമ്പനികള്‍ക്കും ദോഹയില്‍ നിന്ന് ഇന്ത്യയിലെ വിവിധ നഗരങ്ങളിലേക്ക് സർവീസ് നടത്താം. ഇന്ത്യയിൽ നിന്ന് ഖത്തറിലേക്കുള്ള വിമാനങ്ങളിൽ ഖത്തർ പാസ്‌പോർട്ടുള്ള സ്വദേശികൾക്കും ഖത്തറിലേക്ക് സാധുതയുള്ള വിസ കൈവശമുള്ള ഇന്ത്യക്കാർക്കും യാത്ര ചെയ്യാൻ കഴിയും.

Also Read: രാജ്യാന്തര വിമാന സർവീസുകളുടെ വിലക്ക്; പുതിയ അറിയിപ്പുമായി ഡിജിസിഎ, പ്രത്യേക റൂട്ടുകൾക്ക് നിയന്ത്രണമില്ല

അതേസമയം, കൊവിഡ് പ്രതിരോധ പ്രവർത്തനങ്ങളുടെ ഭാഗമായി രാജ്യത്തെ രാജ്യാന്തര വിമാന സർവീസുകൾക്ക് ഏർപ്പെടുത്തിയിരിക്കുന്ന വിലക്ക് നവംബർ 30വരെ നീട്ടി. ഡയറക്‌ടറേറ്റ് ജനറൽ ഓഫ് സിവിൽ ഏവിയേഷനാണ് നിയന്ത്രണങ്ങൾ നീട്ടിക്കൊണ്ടുള്ള ഉത്തരവ് പുറത്തിറക്കിയത്. കൊവിഡ് മാർഗനിർദേശങ്ങളും മാനദണ്ഡങ്ങളും പാലിച്ച് കൊണ്ടുള്ള നിയന്ത്രണങ്ങൾ തുടരുമെങ്കിലും തെരഞ്ഞെടുത്ത പ്രത്യേക റൂട്ടുകളിലെക്കുള്ള സർവീസുകൾ തുടരുന്നതിൽ നിയന്ത്രണമില്ലെന്ന് ഉത്തരവിൽ വ്യക്തമാക്കുന്നു. ഇത് സംബന്ധിച്ച വ്യക്തമായ നിർദേശങ്ങൾ നൽകിയത്.