ഇന്ത്യൻ ദമ്പതികൾ ഫിലിപ്പീൻസിൽ വെടിയേറ്റു മരിച്ചു

ഫിലിപ്പീൻസ്: ഫിലിപ്പീൻസിൽ ഇന്ത്യൻ ദമ്പതികൾ വെടിയേറ്റു മരിച്ചു. പഞ്ചാബ് സ്വദേശികളായ ദമ്പതികളെ അജ്ഞാതർ വെടിവെച്ചു കൊന്നു എന്നാണ് റിപ്പോർട്ട്. സുഖ് വിന്ദർസിങ്, കിരൺദീപ് കൗർ എന്നിവരാണ് കൊല്ലപ്പെട്ടത്. 19 വർഷമായി ഇവർ ഫിലിപ്പീൻസിൽ ആണ് ജീവിക്കുന്നത്.
ഫൈനാൻസ് ഇടപാടുകൾ നടത്തിവരികയാണ് സുഖ് വിന്ദർ സിങ്. ഇദ്ദേഹത്തിന്റെ സഹോദരൻ ഫിലിപ്പീൻസിലെ മനിലയിലാണ് താമസം.

Also Read: വാക്സിനേഷന്റെ കാലാവധി കഴിഞ്ഞു, അപ്ഡേറ്റ് ചെയ്യണം എന്നായിരുന്നു ഫോൺവിളിച്ച ആൾ പറഞ്ഞത്; മലയാളിക്ക് നഷ്ടമായത് 1200 ദിനാർ

മൂന്നുവർഷം മുമ്പാണ് സുഖ് വിന്ദർ സിങ് വിവാഹം കഴിക്കുന്നത്. ഭാര്യയായ കിരൺദീപ് കൗറിനെ കൊണ്ടാണ് വിവാഹ ശേഷം അദ്ദേഹം എത്തിയത്. സഹോദരനായ ലഖ് വീർ സിങ് ഇന്ത്യയിൽ നടന്ന ഒരു ചടങ്ങിൽ പങ്കെടുക്കാൻ പോയതായിരുന്നു. അപ്പോഴാണ് വെടിവെപ്പ് നടക്കുന്നത്. ഇന്ത്യയിൽ എത്തി സഹോദരനെ ഫോണിൽ വിളിച്ചിട്ട് കിട്ടിയില്ല. തുടർന്ന് അവിടെയുള്ള അമ്മാവനോട് വീട്ടിൽ അന്വേഷിക്കാൻ ആവശ്യപ്പെട്ടു. അമ്മാവൻ വീട്ടിലെത്തി നോക്കിയപ്പോൾ രക്തത്തിൽ കുളിച്ച് കിടക്കുന്ന രണ്ട് പേരെയാണ് കണ്ടത്. സുഖ് വിന്ദർ സിങിന്റെ ശരീരത്തിൽ നിരവധിതവണ വെടിയേറ്റ പാടുകളുണ്ട്.

Also Read: വന്‍ വിലക്കുറവുമായി നൂന്‍ ഡോട്‌കോമിന്റെ റമദാന്‍ സെയില്‍; ഇലക്ട്രോണിക് സാധനങ്ങള്‍ക്ക് 70 വരെ വിലക്കുറവ്

വീട്ടിലെ സിസിടിവി ദൃശ്യങ്ങൾ പുറത്തു വന്നിട്ടുണ്ട്. അജ്ഞാൻ വീട്ടിലേക്ക് കയറി വരികയും അദ്ദേഹം സുഖ് വിന്ദർ സിങിനെ വെടിവെക്കുന്നത് ദൃശ്യങ്ങളിൽ കാണാം. കൂടാതെ സുഖ് വിന്ദർ സിങിനെ ഒന്നിൽ കൂടുതൽ തവണ വെടിവെക്കുന്നത് കാണാം. യാതൊരു തരത്തിലുമുള്ള ശത്രുക്കളും ഇദ്ദേഹത്തിന് ഇല്ലെന്ന് സഹോദരൻ പറയുന്നു. ഇന്ത്യൻ സർക്കാർ അന്വേഷണത്തിനായി ഫിലിപ്പീൻസ് സർക്കാരിൽ സമ്മർദ്ദം ചെലുത്തുന്നുണ്ട്.

Read Latest Gulf News and Malayalam News