ആസ്ട്രേലിയയില്‍ ഇന്ത്യന്‍ വിദ്യാര്‍‌ത്ഥി കൊല്ലപ്പെട്ടു

മെൽബൺ: ആസ്ട്രേലിയയില്‍ ഇന്ത്യൻ വിദ്യാര്‍ഥി കൊല്ലപ്പെട്ടു. അക്കൗണ്ടിംഗ് വിദ്യാര്‍ത്ഥിയായ മൗലിന്‍ റാത്തോഡാണ് മരിച്ചത്. ഗുരുതരമായി പരിക്കേറ്റ നിലയില്‍ റാത്തോ‌ഡിനെ ആശുപത്രിയില്‍ പ്രവേശിപ്പിച്ചിരുന്നു. മെല്‍ബണില്‍ ഡേറ്റിംഗ് ഓണ്‍ലൈന്‍ സൈറ്റ് വഴി പരിചയപ്പെട്ട യുവതിയുടെ വീട്ടിൽ യുവാവ് എത്തിയിരുന്നു.

അല്‍പസമയത്തിനകം അടിയന്തര സര്‍വീസിലേക്ക് ഫോണ്‍ സന്ദേശം എത്തി. ആരോഗ്യ പ്രവര്‍ത്തകര്‍ വീട്ടിലെത്തുമ്പോൾ റാത്തോഡ് ഗുരുതരമായി പരിക്കേറ്റ് നിലത്ത് കിടന്ന് പുളയുകയായിരുന്നു. യുവതി തന്നെയാണ് റാത്തോഡിനെ അപായപ്പെടുത്തിയതെന്നാണ് പൊലീസിന്റെ നിഗമനം. കോടതിയില്‍ ഹാജരാക്കിയ യുവതിയെ റിമാന്‍ഡ് ചെയ്തു. ഏക മകനായ റാത്തോഡ് നാല് വര്‍ഷം മുമ്പാണ് പഠനത്തിനായി ആസ്ട്രേലിയയില്‍ എത്തിയത്.