ഇന്ത്യൻ ദമ്പതികളും ആറുവയസുള്ള മകനും യു എസിൽ മരിച്ച നിലയിൽ

യുഎസ്: യുഎസിൽ ഇന്ത്യക്കാരയ ദമ്പതികളെയും അവരുടെ ആറുവയസുള്ള മകനേയും മരിച്ച നിലിൽ കണ്ടെത്തി. കർണാടക ദാവണ്‍ഗര സ്വദേശികളായ യോഗേഷ് (37), ഭാര്യ പ്രതിഭ (35), മകൻ യാഷ് (6) എന്നിവരെയാണ് യുഎസിലെ വീട്ടിൽ മരിച്ച നിലയിൽ കണ്ടെത്തിയത്. യുഎസിലെ മേരിലാൻഡിലെ ബാൾട്ടിമോറിലെ വീട്ടിലാണ് ഇവരെ കണ്ടെത്തുന്നത്. കഴിഞ്ഞ വെള്ളിയാഴ്ചയാണ് മരണം സംഭവിച്ചത്.

Also Read: തൊഴിൽ അവസരവും നിക്ഷേപവും വർധിക്കും; ഡിജിറ്റൽ ഇക്കോണമി സഹകരണ കരാറിൽ ഇന്ത്യയും സൗദിയും ഒപ്പുവച്ചു
ഭാര്യയെയും മകനെയും കൊലപ്പെടുത്തിയ ശേഷം യോഗേഷ് ആത്മഹത്യ ചെയ്യുകയായിരുന്നുവെന്നാണ് പ്രാഥമിക നിഗമനം. സോഫ്റ്റ്‍വെയർ എഞ്ചിനീയർമാരായി ജോലി ചെയ്യുകയായിരുന്നു യോഗേഷും ഭാര്യ പ്രതിഭയും. പത്ത് വർഷത്തോളമായി ഇവർ അമേരിക്കയിലാണ് ജീവിക്കുന്നത്. കർണാടകത്തിലെ ദാവൻഗെരെ ജില്ലയിലെ ജഗലൂർ താലൂക്കിലെ ഹലേക്കൽ ഗ്രാമത്തിലാണ് യോഗേഷ്. യോഗേഷിന്റെ അച്ഛൻ കുറച്ച് വർഷങ്ങൾക്ക് മുമ്പ് മരിച്ചു. അമ്മ തനിയെയാണ് ദാവംഗരെയിലെ വീട്ടിൽ താമസിച്ചിരുന്നത്.

മൃതദേഹം നാട്ടിലെത്തിക്കാനുള്ള ശ്രമങ്ങൾ തുടങ്ങിയിട്ടുണ്ട്. കർണാടക പോലീസിന്റെയും ഭരണകൂടത്തിന്റെയും സഹായം ഇതാനായി തേടിയിട്ടുണ്ടെന്ന് ബന്ധുക്കൾ അറിയിച്ചു. നിയമ നടപടികൾ പൂർത്തിയാക്കിയ ശേഷം ആയിരിക്കും മൃതദേഹം നാട്ടിലെത്തിക്കുന്നത്.

Read Latest Gulf News and Malayalam News