ടിക്കറ്റ് എടുക്കാൻ ആവശ്യപ്പെട്ടത് സ്വദേശി വനിത
ബന്ധുവിനൊപ്പം ജോലി ചെയ്യുന്ന സ്വദേശി വനിതയാണ് ടിക്കറ്റ് എടുത്ത് നൽകാൻ ആവശ്യപ്പെട്ടത്. തനിക്ക് വേണ്ടി ഒരു ബിഗ് ടിക്കറ്റെടുക്കാന്‍ അവർ ആണ് പറഞ്ഞത്. ജൂലൈ മാസത്തില്‍ മൂന്ന് ടിക്കറ്റെടുക്കാന്‍ വേണ്ടി അവർ പണം നൽകുകയും ചെയ്തു. എന്നാൽ സ്വന്തം ക്രെഡിറ്റ് കാര്‍ഡ് ഉപയോഗിച്ച് ആയിരുന്നു ഫയാസ് ടിക്കറ്റ് എടുത്തത്. ജൂലൈ മാസത്തില്‍ പ്രധാന നറുക്കെടുപ്പിന് പുറമെ ഓരോ ആഴ്ചയിലും ടിക്കറ്റെടുത്തവരെ ഉള്‍പ്പെടുത്തി ബിഗ് ടിക്കറ്റ് പ്രത്യേക പ്രതിവാര നറുക്കെടുപ്പ് നടത്തിയിരുന്നു. ഇതിൽ ആണ് 251189 എന്ന നമ്പറിന് സമ്മാനം ലഭിച്ചത്.
ബിഗ് ടിക്കറ്റ് അധികൃതര്‍ പണം ഫയാസിന്റെ അക്കൗണ്ടിലേക്ക് നൽകി
സമ്മാനം ലഭിച്ച വിവരം പറഞ്ഞ് ബിഗ് ടിക്കറ്റ് അധികൃതർ ഫോണിൽ ബന്ധപ്പെട്ടപ്പോൾ താൻ ഞെട്ടിപോയെന്ന് ഫയാസ് പറയുന്നു. ഉടൻ തന്നെ സ്വദേശിയായ യുവതിയെ വിവരം അറിയിച്ചു. ആ പണം തനിക്ക് അവകാശപ്പെട്ടതല്ലെന്ന് മനസിലായ ഫയാസ് അത് യുവതിക്ക് നൽകാൻ വേണ്ടിയുള്ള പരിപാടികൾ ആരംഭിച്ചു. സമ്മാനത്തുക ലഭിക്കുന്നതിനാവശ്യമായ രേഖകളെല്ലാം സമര്‍പ്പിച്ചു. തുടർന്ന് സെപ്റ്റംബര്‍ 14ന് നടപടികള്‍ പൂര്‍ത്തി. തുടർന്ന് ബിഗ് ടിക്കറ്റ് അധികൃതര്‍ പണം ഫയാസിന്റെ അക്കൗണ്ടിലേക്ക് നിക്ഷേപിച്ചു. പണം ലഭിച്ചപ്പോൾ തന്നെ സ്വദേശി വനിതയ്ക്ക് സമ്മാനത്തുക ഫയാസ് കെെമാറി.
വിജയം തനിക്ക് അവകാശപ്പെട്ടതല്ലെന്ന് ഫയാസ്
ബിഗ് ടിക്കറ്റിന്റെ വെബ്‍സൈറ്റിലും, സോഷ്യൽ മീഡിയയിൽ എല്ലാം തന്റെ പേര് ആണ് വന്നത്. വിവരം അറിഞ്ഞ് സുഹൃത്തുക്കളും ബന്ധുക്കളും അഭിനന്ദനവുമായി എത്തി. എന്നാൽ വിജയം തനിക്ക് അവകാശപ്പെട്ടതല്ലെന്ന് ഫയാസ് അവരെ അറിയിച്ചു. പണം നൽകിയ സ്വദേശി വനിതക്ക് സമ്മാനം ലഭിച്ച കാര്യം അറിയില്ലായിരുന്നു. ഫയാസ് വിളച്ചപ്പോൾ ആണ് അവർ അക്കാര്യം അറിഞ്ഞത്. തന്നിലൂടെ ഒരാള്‍ക്ക് ഭാഗ്യം കൈവന്ന സന്തോഷത്തിലാണ് ഫയാസ് ഇപ്പോൾ. യുഎഇയിൽ ജോലി ചെയ്യുകയാണ് യുവാവ്