ഷാർജയിലെ ഫ്ലാറ്റിൽ നിന്ന് മലയാളി പെണ്‍കുട്ടി വീണ് മരിച്ചു; ആന്വേഷണം ആരംഭിച്ച് പോലീസ്

ഷാർജ: ഷാർജയിൽ മലയാളി പെൺകുട്ടിയെ കെട്ടിടത്തിൽ നിന്നും വീണുമരിച്ച നിലയിൽ കണ്ടെത്തി. പെരുമ്പാവൂര്‍ സ്വദേശി ബിനു പോളിന്റെയും മേരിയുടേയും മകളായ സമീക്ഷ പോള്‍ (15) ആണ് മരിച്ചത്. അജ്‌മാൻ ഹാബിറ്റാറ്റ് സ്‌കൂള്‍ പത്താം ക്ലാസ് വിദ്യാര്‍ഥിനിയാണ് സമീക്ഷ. കുട്ടിയുടെ മരണത്തിൽ ഷാർജ പോലീസ് അന്വേഷണം ആരംഭിച്ചു.

Also Read: കൊവിഡ് മരണം തടയാനാകുമോ? വാക്‌സിൻ എന്ന് ലഭ്യമാകും, ലോകാരോഗ്യ സംഘടന പറയുന്നത് ഇങ്ങനെ!

ഷാർജയിലെ അൽഖാനിലെ താമസസ്ഥലത്ത് ഞായറാഴ്‌ച പുലർച്ചെയാണ് വീണ് മരിച്ച നിലയിൽ സമീക്ഷയുടെ മൃതദേഹം കണ്ടെത്തിയത്. കെട്ടിടത്തിൻ്റെ എട്ടാം നിലയിലെ ബാൽക്കണിയിൽ നിന്നും വീണതാകാം എന്നാണ് നിഗമനം.

ഷാർജ പോലീസ് പുലർച്ചെ വീട്ടിലെത്തി വിവരങ്ങൾ അറിയിച്ചപ്പോഴാണ് അപകടവിവരം സമീക്ഷയുടെ മാതാപിതാക്കളറിഞ്ഞത്. ഇവരെ ചോദ്യം ചെയ്‌ത പോലീസ് മുറികൾ പരിശോധിച്ചു. ഇരട്ട സഹോദരിക്കൊപ്പമാണ് സമീക്ഷ ഉറങ്ങാൻ കിടന്നിരുന്നത്.

Also Read: വിവാദ മീശ: പുലിവാലുപിടിച്ച് സോളിലെ യുഎസ് പ്രതിനിധി

മുറിയിലെ സോഫയിൽ നിന്നും സമീക്ഷ ഉപയോഗിച്ചിരുന്ന ലാപ്‌ടോപ്പ്, ഹെഡ് ഫോണ്‍, ബൈബിള്‍ എന്നിവ കണ്ടെടുത്തു. 16 വർഷമായി അബുദാബിയിൽ തുടരുന്ന ബിനു പോൾ ദുബായിൽ എൻജിനീയറാണ്.