കുവൈത്തിൽ ആശ്രിത വിസ 12 വയസിനു മുകളിലുള്ളവർക്ക് അനുവദിക്കില്ല

കുവൈത്ത് സിറ്റി: കുവൈത്തിൽ ആശ്രിത വിസ അനുവദിക്കുന്നതിൽ നിയന്ത്രണം. 12 വയസിനു മുകളിലുള്ള മക്കൾക്ക് ആശ്രിത വിസ നൽകുന്നതിന് വിലക്ക് ഏർപ്പെടുത്തിയതായി താമസകാര്യ വിഭാഗം വ്യക്തമാക്കി.

500 ദിനാറിൽ കുറഞ്ഞ ശമ്പളമുള്ളവർക്കും കുടുംബ വിസ പുതുക്കാൻ അവസരം

നിലവിൽ ആൺകുട്ടികൾക്ക് 15 വയസും, അവിവാഹിതരായ പെൺകുട്ടികൾക്ക് 18 വയസുമായിരുന്നു വിസ ലഭിക്കുന്നതിനുള്ള പ്രായ പരിധി. ഇനി മുതൽ 12 വയസ് പൂർത്തിയായ മക്കൾക്ക് പുതുതായി ആശ്രിത വിസ അനുവദിക്കില്ലെന്ന് അധികൃതർ വ്യക്തമാക്കി.

മാക്ക്ബുക്ക് പ്രോയുമായി യാത്രചെയ്യുന്നതിന് എത്തിഹാദ് വിമാനങ്ങളിൽ വിലക്ക്

ഏഴ് രാജ്യങ്ങളിൽനിന്നുള്ളവർക്ക് കുടുംബ വിസ അനുവദിക്കേണ്ടതില്ലെന്നും ഭരണകൂടം തീരുമാനിച്ചു. കുടുംബ വിസ ലഭിക്കാൻ കുറഞ്ഞ ശമ്പള പരിധി 450ദിനാറിൽനിന്നും 500 ദിനാറിലേക്ക് ഉയർത്തിയതിനു പിന്നാലെയാണ് കുവൈത്ത് പുതിയ നിയമം നടപ്പാക്കാൻ ശ്രമിക്കുന്നതെന്ന് ഒരു ഗൾഫ് മാധ്യമം റിപ്പോർട്ട് ചെയ്തു.

തുഷാർ വെള്ളാപ്പള്ളിയുടെ കേസിൽ ഇടപെടില്ലെന്ന് വ്യക്തമാക്കി യൂസഫലി

അതേസമയം, കുവൈത്തിൽ 500 ദിനാറിൽ താഴെ ശമ്പളമുള്ള കുടുംബ വിസയിൽ താമസിക്കുന്നവർക്ക് താമസ രേഖ പുതുക്കി നൽകുന്നതായുള്ള റിപ്പോർട്ട് പുറത്തുവന്നു. കഴിഞ്ഞ ദിവസം താമസ രേഖ പുതുക്കുന്നതിനുള്ള അപേക്ഷയുമായി പാസ്പോർട്ട് കാര്യാലയങ്ങളിൽ എത്തിയവർക്ക് തടസം കൂടാതെ താമസ രേഖ പുതുക്കി നൽകിയിരുന്നു.